Dagiti Estoria iti Nasantuan a Kasuratan
Paneknekan ni Esteban ti maipapan ken ni Jesucristo—Ited ti maysa a natured nga adipen ti biagna para iti pammaneknekna

Dagiti Aramid 6–7

Paneknekan ni Esteban ti maipapan ken ni Jesucristo

Ited ti maysa a natured nga adipen ti biagna para iti pammaneknekna

Dua nga Apostol a kadua dagiti miembro ti Simbaan ni Jesus.

Napartak ti panagdur-as ti Simbaan. Narigrigat nga asikasuen dagiti Apostol ti amin a miembro.

Dagiti Aramid 6:1–2

Mangted ti maysa nga Apostol ken ni Esteban iti bendision ti priesthood.

Inkeddeng dagiti Apostol nga awagan ti pito a lallaki a makatulong. Kiniddawda kadagiti miembro a mangsapul kadagiti lallaki a masirib ken napno iti Espiritu Santo.

Dagiti Aramid 6–3

Ni Esteban a mangag-agas iti maysa a lalaki.

Maysa ni Esteban kadagiti tao a pinilida. Nangted kenkuana dagiti Apostol iti bendision. Dakkel ti pammati ni Esteban ken nagaramid kadagiti naindaklan a milagro kadagiti tao.

Dagiti Aramid 6:5–8

Ni Esteban a makisarsarita iti nangato a saserdote ken dadduma pay a lider.

Insuro ni Esteban maipapan ken ni Jesucristo nga addaan iti sirib ken Espiritu. Ngem saan a nagustuan dagiti lider ti maysa a sinagoga ti isursurona. Kinunada nga agsasao a maibusor ken ni Moises ken maibusor iti Dios. Indatagda ni Esteban iti sanguanan ti nangato a saserdote ken iti dadduma pay a lider.

Dagiti Aramid 6:9–15; 7:1

Ni Esteban a mangisursuro kadagiti lider maipapan ken ni Jesus.

Kasla rupa ti maysa nga anghel ti rupa ni Esteban. Impalagipna kadagiti lider nga imbaon ti Dios ni Moises a mangisalakan kadagiti Israelita, ngem saanda a kanayon a sinurot ni Moises. Kinuna ni Esteban a kasla ni Jesucristo ni Moises. Imbaon ti Dios ni Jesus a mangisalakan kadagiti taona, ngem saan a simmurot dagiti lider Kenkuana. Nakapungtot dagiti lider ken ni Esteban.

Dagiti Aramid 7:20–43, 51–54

Adda parmata ni Esteban maipapan iti Nailangitan nga Ama ken ni Jesucristo.

Napno iti Espiritu Santo, kimmita ni Esteban iti langit. Nakitana ni Jesucristo a nakatakder iti abay ti Nailangitan nga Ama.

Dagiti Aramid 7:55–56

Iniggaman dagiti lider ni Esteban.

Idi imbaga ni Esteban kadagiti lider no ania ti nakitana, ad-adda a nakarurodda. Impukkawda ti pungtotda ket iniggamanda ni Esteban. Ginuyodda isuna nga inruar iti siudad.

Dagiti Aramid 7:57

Ni Saul a mangbuybuya iti ipapatay ni Esteban.

Inyaplagda dagiti pagan-anayda iti sakaanan ti maysa a lalaki nga agnagan iti Saul. Kalpasanna, binatoda ni Esteban tapno papatayenda. Immanamong ni Saul iti ar-aramidenda. Nagkararag ni Esteban. Kiniddawna iti Apo a pakawanenna dagiti tao a mangdangdangran kenkuana. Kiniddawna pay iti Apo nga awatenna ti espirituna iti langit.

Dagiti Aramid 7:59–60; 8:1