Mateo 3

Nabuniagan ni Jesus

Panangipakita iti ehemplo iti panagtulnog iti Dios

Inawagan ti Dios ni Juan tapno tumulong kadagiti tao nga agsagana para iti iyaay ni Jesucristo. Insuro ni Juan dagiti tattao nga agbabawi ken agpabuniagda. Inawagan dagiti tattao isuna a kas Juan Bautista.

Mateo 3:1–12

Nabileg a mannursuro ni Juan. Adu a tattao ti immay tapno dumngegda kenkuana ket mabuniaganda. Maysa nga aldaw, dimteng ni Jesus a mabuniagan.

Mateo 3:5, 13

Ammo ni Juan a kanayon a nagtulnog ni Jesus iti Dios. Saanna a kasapulan ti agbabawi. Saan a pinanunot ni Juan a rumbeng a buniaganna ni Jesus. Impagarup ni Juan a ni Jesus ti rumbeng a mangbuniag kenkuana!

Mateo 3:14

Imbaga ni Jesus a kasapulanna met ti mabuniagan. Kayatna a tungpalen ti amin a bilin ni Amana. Kayatna met ti mangipaay iti maysa nga ehemplo kadatayo. Ni Juan ti nangbuniag kenkuana.

Mateo 3:13–15; 2 Nephi 31:5–7

Kalpasan a limmung-aw manipud iti danum ni Jesus, bimmaba kenkuana ti Espiritu Santo a kasla kalapati. Nagsao ti Nailangitan nga Ama manipud iti langit, a kunkunana, “Daytoy ti patpatgek nga Anak.” Naragsakan unay ti Nailangitan nga Ama ken ni Jesus.

Mateo 3:16–17