Library
Liwliwaen ni Jesus dagiti Dua a Disipulo—Aggigidan a pannagna iti dalan nga agturong iti Emaus

Lucas 24:13–25

Liwliwaen ni Jesus dagiti Dua a Disipulo

Aggigidan a pannagna iti dalan nga agturong iti Emaus

Dua kadagiti disipulo ni Jesus a magmagna nga agturong idiay Emaus.

Iti aldaw a pannakapagungar ni Jesus, magmagna ti dua a disipulo manipud Jerusalem nga agturong iti ili a maawagan iti Emaus. Pasurotda ni Jesus, ket nalidayda. Agsasaritada iti maysa ken maysa maipapan iti ipapatay ni Jesus ken dagiti dadduma pay a banag a napasamak iti napalabas a sumagmamano nga aldaw.

Lucas 24:13–14

Agparang ni Jesus ket makipagna kadagiti disipulo. Saan nga ammo dagiti disipulo a ni Jesus daytoy.

Bayat ti pannagnada, immay ni Jesus ket nakipagna kadakuada, ngem dida ammo a ni Jesus daytoy. Dinamagna no ania ti pagsasaritaanda ken no apay a nalidayda.

Lucas 24:15–17

Ilawlawag dagiti disipulo a natayen ni Jesus.

Nasdaawda a dina ammo no ania ti napasamak. Imbagada Kenkuana ti maipapan ken ni Jesus. Impagarupda nga Isu ti agbalin a Mangisalakanda, ngem natayen Isuna.

Lucas 24:18–21

Kuna dagiti disipulo nga awanen ti bagi ni Jesus iti tanem.

Kinunada pay a sumagmamano a babbai ti napan iti tanemna, ngem awanen ti bagi ni Jesus. Imbaga dagiti anghel kadagiti babbai a sibibiag ni Jesus.

Lucas 24:21–24

Isuro ni Jesus dagiti disipulo.

Kalpasanna, insuro ni Jesus kadakuada no ania ti kinuna dagiti nasantuan a kasuratan maipapan iti Mangisalakan. Kinunana nga insuro dagiti propeta a matay ken agungar manen ti Mangisalakan.

Lucas 24:25–27

Bendisionan ni Jesus ti tinapay ken itedna daytoy kadagiti disipulo.

Idi nakadanonda idiay Emaus, sumipngeten. Inawis dagiti dua a disipulo ni Jesus a makidagus kadakuada. Nagtugaw ni Jesus a makipangan kadakuada. Nangala iti tinapay, binendisionanna daytoy, ket intedna daytoy kadagiti disipulo. Iti dayta a kanito, ammoda a ni Jesus daytoy. Kellaat a nagpukaw Isuna.

Lucas 24:29–31

Pagsasaritaan dagiti disipulo dagiti padasda ken ni Jesus.

Napagsaritaan dagiti dua a disipulo no kasano ti kinabara ti nariknada iti pusoda bayat ti panangisuro ni Jesus kadakuada manipud kadagiti nasantuan a kasuratan. Nagdardarasda a nagsubli idiay Jerusalem a mangibaga kadagiti dadduma a disipulo a nakitada ni Jesus.

Lucas 24:32–35