Lucas 7:1–10

Paimbagen ni Jesus ti maysa nga Adipen ti Senturion

Maysa a lider ti Roma a mangipakita iti dakkel a pammati

Adda maysa a senturion a nagnaed idiay Capernaum, maysa nga ili a masansan a pangisuruan ni Jesus. Isu ti lider ti dakkel a grupo dagiti soldado.

Lucas 7:1–2

Addaan iti adipen daytoy a senturion a naisangsangayan unay kenkuana. Nagsakit ti adipen ket dandanin matay.

Lucas 7:2

Uray no saan a Judio ti senturion, nangngegna ti maipapan ken Jesus. Patienna nga adda pannakabalin ni Jesus a mangaramid kadagiti dadakkel a milagro. Imbaonna ti sumagmamano a lider dagiti Judio tapno kiddawenda ken Jesus nga umay ken paimbagenna ti adipenna.

Lucas 7:3–4

Imbaga dagiti lider ken ni Jesus ti maipapan iti senturion ken ti adipenna. Imbagada a naasi daytoy a senturion kadagiti Judio. Rinugian ni Jesus ti nagna nga agturong iti balay ti senturion. Ngem sakbay a nakadanon sadiay, sumagmamano a gagayyem ti senturion ti nangpasardeng ken Jesus. Imbagada kenkuana a saan a sumrek iti balay.

Lucas 7:4–6

Kinuna dagiti gagayyem a saan a marikna ti senturion a maikari a mapan ni Jesus iti balayna. Patienna a kabaelan ni Jesus nga agasan ti adipenna uray adayo!

Lucas 7:6–8

Nasdaaw ni Jesus iti pammati ti senturion. Kinunana a saan pay a nakakita iti kasta a pammati.

Lucas 7:9

Idi nagsubli dagiti gagayyem ti senturion iti balayna, naan-anay a naimbaganen ti adipen. Pinaimbag ni Jesus, a kas iti pinati ti senturion a kabaelanna.

Lucas 7:10