1843–1846

Pupunu Esemuch me Famini

Riri me ren ewe manaman an Jises Kraist

Nupwen Emma me Joseph ra apupunu, ra nuku pwe ar apupunu epwe muchuno nupwen ra mano. Iei usun meinisin apupunu. Nge mwirin ewe Samon a ureni Joseph pwe apupunu me famini mi tongeni epwe fochofoch.

Souneng, 1:413

Ewe Samon a aiti Joseph usun apupunu esemuch. Me ren ewe manamanen ewe pristut, emon mwan me emon fefin mi tongeni fori eu pwon mi pin ren ewe Samon. Ika repwe apwonueta ar pwon mi pin, ewe Samon a pwonei pwe ar apupunu epwe fochofoch. Ei a iteni ririfengen. Mwitir chok, Joseph me Emma ra ririfengen ren fansoun esemuch.

Doctrine and Covenants 132:7, 19–24; Saints, 1:413, 432–33, 481–82, 492, 502–3

Joseph a pwan kaeo pwe nupwen emon mwan me fefin ra riri, nour semirit repwe riri ngenir. Pokiten ewe manaman an Jises Kraist, ar famini repwe tongeni epwe fochofoch. Nupwen Joseph a ureni ekkewe Souneng usun ewe feioch, ra fokkun pwapwa! Rese tongeni witiwit ar repwe ririfengen.

Doctrine and Covenants 131:2; 132:6–7; Saints, 1:492–93, 580

Ewe Samon mwirin a aitir pwe riri epwe fis non ewe tempel. Ekkewe Souneng ra angang weires ar repwe awesano ewe tempel non Nauvoo pwe repwe tongeni ririfengen. Nupwen ewe tempel a monneta, chommong famini ra riri fengen. Ra mwo pwan riri ngeni chon ar famini ekkewe mi mano. Ra kinisou ren ei feioch.

Souneng, 1:579–80