February 1832

Joseph me Sidney ra Kaeo ussun Nang

Eu nemasepwi usun an Kot efeioch fan iten Noun semerit

Eu ran, Joseph Smith me Sidney Rigdon ra anea ewe Paipel. Ra anea usun met a fis nupwen aramas ra mano. Joseph me Sidney ra ekieki met ra aneani, me ra mochen sopweno ne kaeo.

Doctrine and Covenants 76:11-18

Ewe Samon a ngenir eu murinon nemasepwi. Ra kuna Samach won Nang me Jises Kraist nein chon nang. Ra rong eu mongungu pwe Jises I Noun Kot. Ewe mongungu a apasa pwe Jises a mano fanitach me manau sefan—I a manau sefan. Pokiten An manausefan, kich sipwe pwan manau sefan.

Doctrine and Covenants 76:19–24, 39–43

Joseph me Sidney ra kaeo pwe mwirin sia manausefan, kich sipwe nonomw non eu nein kewe unungat kinikin non nang, ra iteni muu. Aramas ion ese etiwa ewe kapasen allimen Jises Kraist repwe no non ewe muun telestial. Ewe Samon a anono ei muu ngeni saramen tinin ekkewe fuu.

Doctrine and Covenants 76:81–86

Joseph me Sidney ra pwan kaeo usun eu muu a iteni muun terrestrial. Ei muu an aramas ion a manauoch nge rese unusen apwonueta ewe kapasen allimen Jises Kraist. Rese pochokun non ar nuku non I. Ewe Samon a anono ei muu ngeni saramen tinen ewe maram.

Doctrine and Covenants 76:71–80

Ewe tekian muu ina ewe muun selestial. Aramas non ei muu remi fori pwon mi pin, ika pwon, ngeni Kot me apwonueta ar kewe pwon mi pin. Ra aier me tapweno mwirin Jises Kraist. Ra nomw ren Samach won Nang me Jises feinfeino me winiti usun Ir. Ewe Samon a anono ei muu ngeni saramen tinen ren ewe akkar.

Doctrine and Covenants 76:50–70

Ewe Samon a ureni Joseph me Sidney resap aporausa meinisin ra kuna non ar nemasepwi. Nge I ese mochen repwe makkei usun ekkoch me neir me aporausa ngeni ekkoch. Chommong chon ewe Mwichefen ra pwapwa ne ureni aramas usun ewe nemasepwi.

Doctrine and Covenants 76:113–119; Souneng, 1:149–50

Ekkoch aramas rese sani ewe nemasepwi. A sokono seni met ra fen nuku. Nge nap ngeni ekkewe Souneng ra kinisou ne sinei usun ei pwarata. A pwar ngenir pwe Samach won Nang a tongei Noun semirit me fori eu an repwe niwin sefan ngeni I.

Souneng, 1:149–50