September 1830

Hiram Page me Pwarata

Ekkewe Souneng ra kaeo ifa usun an Kot emweni An Mwichefen

Hiram Page emon chienen oseph Smith me Oliver Cowdery. Pwan i emon ekkewe wanimon chon pwarata usun ekkewe seleich kon. Mi wor noun Hiram efou fau, me a nuku pwe Kot a nounou an epwe ngeni porous, ika pwarata, ren ewe Mwichefen. Oliver me ekkoch Souneng ra nuku pwe an Hiram pwarata a feito seni Kot.

Doctrine and Covenants 28, section heading; Saints, 1:97

An Hiram pwarata usun ngingin ekkewe pukefel. Nge mi chok sokono seni met ewe Paipel a asukuna. Ra pwan sokono seni met ewe Samon a ereni ewe Soufos Joseph. Joseph ese fatoch met epwe fori.

Souneng, 1:97

Joseph a fokkun neneno chok nepwin ne tingor ngeni Kot ren anisi. A nuokus ika e fori mettoch mi mwan me emeteki an chienan kewe memef.

Souneng, 1:97

Joseph a mochen aramas repwe kukuta ar pwarata non pusin manauer. Nge epwe fokkun osukosuk ika meinisin ra ekiekin repwe angei pwarata faniten unusen ewe Mwichefen.

Souneng, 1:97

Nesoponon, ewe Samon a ngeni Joseph eu pwarata epwe aporousa ngeni Oliver. Ewe Samon a apasa pwe ewe chok soufos a tongeni angei pwarata me annuk ren unusen ewe Mwichefen. A apasa pwe Oliver epwe asukuna ei ngeni Hiram.

Doctrine and Covenants 28:2, 6–13

Ewe Samon a mochen Hiram epwe weweiti pwe a tongeni angei pwarata ren pusin manauan. Nge pwarata fan iten ewe Mwichefen epwe fis ngeni noun ewe Samon kewe soufos. Hiram a ausening ngeni Oliver me aier. Iei ekkewe souneng ra fokkun weweochiti usun an ewe Samon emweni An Mwichefen.

Souneng, 1:98