February 1833

Ewe Kapasen Emirit

An ewe Samon Annukun Pochokunen Inis

Joseph Smith a etiwa ekkoch mwan non ewe Mwichefen pwe repwe fiti ne mwich fengen won asan ewe neni ren an Newel me Ann Whitney we sitowa. Ikewe ra kaeo ewe kapas allim me ekkoch itenap, me ra iotek usun ew mwich. Ra eita ngeni ei mwich ewe Sukun ren ekkewe Soufos.

Doctrine and Covenants 88:117–137; Souneng, 1:166

Chommong nein ekkewe mwan ra un supwa me nunu tobacco fansoun ewe nessen. Ewe supwa a atoputopu non ewe room, ewe tobacco a animengawa ewe simen. Mwirin ewe mwich, Emma Smith a totta asan epwe nimeti asan. A fokkun nimengaw.

Souneng, 1:167

Emma tawasini me tawasini ewe simen, nge mwirinmwirin ekkewe atufun tobacco ese tongeni tonuno. I a poraus ngeni Joseph ren ewe nimengaw.

Souneng, 1:167

Joseph a ausening ngeni Emma. Rongorong ngeni i a afisi an ekiek ika ewe Samon epwe tipeew ngeni tobacco.

Souneng, 1:167

Iwe Joseph a iotek ngeni ewe Samon usun chon iran supwa. Ewe Samon a ureni Joseph pwe mi wor Ewe Kapasen Emirit faniten ekkewe Souneng.

Doctrine and Covenants 89:1–9; Souneng, 1:167

Ewe Samon a apasa pun ekkewe Souneng resap un supa, aea chon iran supwa, ika un sakau ika “un mi pwich,” wewen kofi me tea.

Doctrine and Covenants 89:1–9; Souneng, 1:167

Ewe Samon a pwan aiti ekkewe Souneng pun pinawa me foun ira ra och ne mongo. I a pwan ara ra tongeni mongo fituk fan ekkoch.

Doctrine and Covenants 89:10–17; Souneng, 1:168

Ewe Samon a ureni Joseph pwe ekkewe Souneng ra finata ar repwe apwonueta An Kapasen Emirit repwe tumun. Ewe Samon a pwonei epwe effeiochu ir ren pochokunen inis, tipachem, me pochokun. Joseph a ureni ekkewe mwan non ewe Sukun ren ekkewe Soufos usun an ewe Samon Kapasen Emirit.

Doctrine and Covenants 89:18–21; Souneng, 1:68

Ekkewe mwan non ewe room ra moneno ar chon iran supwa me paip non ewe akkei ne pwari ir ra mochen apwonueta an Samon ewe Kapasen Emirit.

Souneng, 1:168