July 1835–March 1842

Ewe Pearl of Great Price

Pwan ekkoch kapas allim seni ewe Samon

Eu ran, emon mwan a etto ngeni Kirtland fiti ekkoch aramas mi ma ir mi tukutukuno minen nom seni Egypt. Fiti ekkewe mi ma ir mi tukutukuno mi wor ekkoch scrolls ika toropwe mi numufengen ra fokkun minen nom. Ekkewe toropwe mi numufengen mi wor makken Egypt won. Ewe mwan a pwari ngeni ewe Soufos Joseph Smith. Joseph a fokkun mochen katon ekkewe mak.

Souneng, 1:219-20

Ekkoch chienan ra anisi Joseph ne moni ekkewe mi mano mi tukutukuno minen nom me ekkewe toropwe mi numufengen. Nupwen Joseph a katonoch makken, ewe Samon a pwari ngeni makken nom seni Abraham, emon soufos non ewe Paipel. Fiti aninis seni chiechi usun Oliver Cowdery, Joseph a makkei met ewe Samon a aiti i usun an Abraham asukun.

Souneng, 1:220

Abraham a kuna eu nemasepwi usun manauach ren Samach won Nang me mwen sia uputiw. A kuna pwe Jises a kafinita pwe epwe ach Chon Amanau. Abraham a pwan kaeo usun forutan ewe fonufan. Ekkewe Souneng ra pwapwa ne angei ekkei nessen seni Abraham. Ra pwapwa ewe Samon a mochen pwan aitir chommong.

Abraham 2:6–11; 3–5; Souneng, 1:220

An Abraham mak a pachenong ren ewe puken kapas allim itan Pearl of Great Price. Ei puk a pwan wor mak seni Moses, emon pwan soufos non ewe Paipel. A aiti kich mi enlet ese mak non ewe Paipel. Ewe Samon a mochen aramas repwe sinei ewe enlet, pwe I epwe pwarir ngeni Joseph Smith.

Moses 1–8; Abraham 1–5

Ewe Pearl of Great Price a pwan onomu an Joseph Smith kapasen pwarata me ewe 13 Articles of Faith. Joseph Smith a makkei ekkei mettoch epwe aporausa ngeni fonufan met Aramas mi Pin non Fansoun Soponon ra nuku. Ewe Pearl of Great Price eu kukkun puk, usun eu foun pwei mi kukun, nge a fokkun auchea.

Joseph Smith—History; Articles of Faith 1