“Parley A Tingor Omusomus,” Porousen Doctrine and Covenants (2024)
“Parley A Tingor Omusomus,” Porousen Doctrine and Covenants
January–July 1837
Parley a Tingor Omusomus
An emon chiechi kapasan pwarata apochuna an nuku
Nupwen a tori fansoun an Thankful me Parley Pratt repwe ne nounou, ir ra niwin ngeni imwer seni ar misin non Canada. Ra nounou emon monukon at usun chok an ewe Samon pwon ngenir.
Souneng, 1:270
Atongan, Thankful a sopwono awa mwirin a ewe monukon uputiw. Parley a sinei pwe ese tongeni tumunu ewe monukon alamon seni punuwan we. I a aisini emon fefin non Kirtland epwe tumunu ewe monukon nupwen a niwin ngeni Canada ne awesi an misin.
Souneng, 1:270
Non Kirtland, Joseph Smith a poputani eu bank epwe awora moni ne fori An Kot angang. I a aisini kewe aramas repwe mut ngeni ewe bank epwe nounou nour moni pun ekkoch repwe tongeni niwinimang. Nge, ren ekkoch wewe, ewe bank ese naf moni me a kasipino. Ekkoch bank non United States ra kasipino pwan.
Souneng, 1:260–61, 264–68
Manau a weires ngeni ekkewe Souneng. Ekkoch ra tou seni ar angang me ese chiwen naf moni ar repwe kamo aner mongo me uf. Ekkoch aramas ra song ren Joseph, pwan mo ekkoch chienan kewe. Ra ekieki pwe Joseph esap emon soufos mi enlet pokiten ewe bank a kesipeno.
Souneng, 1:264-68, 272–275
Nupwe ei a fifis, Parley a niwin ngeni imwan seni an misin. Ewe osukosuk ren ewe bank a awora osukosuk ngeni Parley pwan. Ese naf noun moni an epwe mon ngeni imwan we, me esap wor eu neni epwe nom iei.
Souneng, 1:270–71
Iei Parley a pwan song ren Joseph. A mak taropwe ngeni Joseph. A ureni Joseph pwe i mi chiwen nuku non ewe Puken Mormon. Nge a pwan apasa mettoch mi kirikiringaw usun ewe Soufos. A ureni Joseph a muan ne poputa ewe bank akkom.
Souneng, 1:271
Mwirin, ekkoch chienan Parley seni Canada ra tori Kirtland. Parley a afanafana ngenir ewe kapas allim, me ra pwapwaiti ne kuna sefani.
Souneng, 1:279–80
Nge ra pwan mairu pwe Parley me chommong ekkoch ra kauno ne nuku pwe Joseph Smith emon soufos.
Souneng, 1:279–80
Emon chienan Parley seni Canada John Taylor. Nupwen Parley a kuna i, a ureni John ukukun an song ren Joseph Smith. A ureni John esap chiwen tapweno mwirin Joseph.
Souneng, 1:280
John a achema Parley pwe nupwen ra nomw Canada, Parley a pwarata an kapasen pwarata pwe Joseph Smith i emon soufos mi ennet. “Iei a pwan nono ai kapasen pwarata,” John a apasa. “Ika ewe angang mi enlet onu mwaran a no, mi pwan enlet ikenai. Ika Joseph Smith emon soufos non ewe fansoun, I emon soufos ikenai,”
Souneng, 1:280
Parley a sinei pwe chienan ewe John a pung. A mefi niemam ren noun taropwe ngeni Joseph. A sinei pwe Joseph a achocho fori met an tongeni ne fori an Samon angang. Ewe osukosuk ren ewe bank ese wewen pwe Joseph ese chiwen emon soufos mi enlet ren Jises Kraist.
Souneng, 1:283
Parley a no ngeni imwan Joseph. A ureni Joseph pwe a niamam ren met ekkewe kapas non noun ewe taropwe. Joseph a omusa Parley, iotek fanitan, me efeiochu i. Parley a fori pwan ekkoch angangen misin me ureni aramas unusen fonufan pwe Joseph Smith emon noun ewe Samon soufos.
Doctrine and Covenants 64:7–11; Souneng, 1:283