April–July 1839

Ew Ranin Echikara

Efeiochu ewe mi semen ren ewe manamanen Kot

Nupwen Joseph Smith me ekkoch meinapan Mwichefen ra kanapus non Missouri, ekkoch chon mas ra uweir ngeni eu pwan imwen kanapus. Ekkewe chon mas ra kirekiroch ngeni kewe chon kanapus. Eu pwin, ewe meinapen ren ekkewe chon mas a ureni Joseph epwe ne mour, me ika Joseph me chienan kewe repwe suu, i esap auweno ir.

Souneng, 1:392–93

Joseph me ekkoch meinapen Mwichefen ra suno. Ra kuna ar famili ra nonom non eu sopw itan Quincy.

Souneng, 1:395–96

Ekkewe aramas non Quincy ra kirekiroch ngeni ekkewe Souneng. Ra ngeni ekkewe Souneng mongo me uf me neni repwe nonnom non.

Souneng, 1:377

Ekkewe Souneng ra kilisou ren kirekirochun ekkewe aramas non Quincy. Nge Joseph a sinei pwe mi namot epwe pusin wor eu nenier ne nonomw. Meinapen Mwichfen ra moni fonu ese wor pwan ion a mochen, me ekkewe Souneng ra mokut ngeni.

Souneng, 1:399-400

Ewe fonu a arap ngeni eu watten pupu. A chochon me pwakak me uren nikken. Ekkewe nikken ra fori chommong ekkewe Souneng repwe fokkun semwen ren ew semwen itan malaria. Ekkoch me neir ra mano.

Souneng, 1:402

Nupwen Joseph a kuna pwe chommong aramas ra semwen, a achufengeni ekkoch kewe meinapen Mwichefen me tingorer repwe fiti. Unusen sosor, ra churi famili me famili, churi mi semwen me efeiochur. Ra aea an Jises Kraist manaman ne achikera ir seni ar semwen.

Souneng, 1:402

Emon aramas ra churi ina Elijah Fordham. A fokkun watte an semwen, punuwan a ekieki epwene mano. Joseph a aisini Elijah ika a nuku epwe chikar.

Souneng, 1:402

Elijah ara, “Uwa nuokus a mang.” Joseph a aisini Elijah ika a nuku non Jises Kraist. “Ewer, Brother Joseph,” a ponuweni.

Souneng, 1:402

Joseph a efeiochu i non itan Jises Kraist. Elijah a utta. Jises a achikera i! Iwe Elijah a fiti Joseph ngeni ewe imw mwirin me anisi ne efeiochu ekkewe ekkoch aramas mi semwen.

Souneng, 1:402–3