“Parley me Thankful Pratt,” Doctrine and Covenants Tutunap (2024)
“Parley me Thankful Pratt,” Doctrine and Covenants Tutunap
August–September 1830
Parley and Thankful Pratt
Nuku ne tapweno mwirin ewe Ngun
Parley Pratt me Thankful Pratt ir chon atake me Ohio. Eu ran, Parley a mefi an ewe Ngun ureni epwe suseni imwan we me afanafana ngeni aramas usun ewe Paipel.
Souneng, 1:92
Parley and Thankful ra amomono ar we atake. Rese sinei ian repwe no ian, nge ra epinukunuku pwe Kot epwe efeiochur ren ar angang ngeni I.
Souneng, 1:92
Parley me Thankful ra angei ekkoch pisekir me mwoni me ra tota won ewe mwota. Nupwen ra sai ngeni New York, ewe Ngun a ereni Parley epwe totiw seni ewe mwota. Parley a tingorei Thankful pwe epwene akom nge esap chiwen fiti A pwon ngeni pwe epwe mwitir ne niwiniti. A mefi pwe a wor mettoch mine ewe Kot a mochen epwe fori non New York.
Souneng, 1:92
Parley a feito me towaw. Omuchunon a feitto ngeni ewe imwen emon chon afanafan. Ewe chon afanafan a ureni Parley usun eu puk ese weweiti emon e ngeni. A for seni seleich kon me a mak non fansoun nom. A iteni ewe Puken Mormon. Emon anuon non New York a chiakuni ren ewe manamanen Kot.
Souneng, 1:92
Parley a fokkun mochn sinei. Ewe chon afanafan a pwari ngeni Parley ewe puk. Fiti meseik, Parley a suki ewe puk me a poputa ne aneani. Mwirin fitu awa, nge ese tongeni epwe kouno ne annea, ese mwo nge mongo me anut. Ewe Ngunun ewe Samon a ureni pwe mi ennet.
Souneng, 1:92–93
Parley a fokkun sani ewe Puken Mormon, a mochen epwe kuta ewe mwan mine a chiakuni. A fetan ngeni an ewe faminien Smith we atake, ikewe ie a churi Hyrum, pwin Joseph ewe. Ra porous unusen ewe pwin. Hyrum a ereni Parley pwe we Puken Mormon mi ennet. A ngeni Parley noun ewe pusin kapien ewe puk.
Souneng, 1:93
Nupwen a chok sopwen ne akanea, Parley a kaeo pwe Jises Kraist a churi ekkewe aramas non Merika non fite ier ano. Parley a tongeni kuna pwe ewe Puken Mormon akon auchea nap seni meinisin ekkewe ir mi tufich non ei fonufan. Ese mochen epwe utiwit an epwe niwin ngeni Thankful me aporousa ngeni usun met a fen kaeo.
Souneng, 1:93; 3 Nephi 11:1–12
Parley a ereni Thankful me ekkoch chon an we famini usun ewe Puken Mormon. A urenir met a asukuna usun Jises Kraist. Thankful a fokkun pwapwa pwe Parley a apiru ewe Ngun mi Fel me kuna ewe angang Kot a mochen epwe fori. Usun Parley, Thankful a pusin kaeo pwe ewe Puken Mormon mi ennet.
Souneng, 1:98–99