Porausen Pukefel
Hawn’s Mill

“Hawn’s Mill,” Porousen Doctrine and Covenants (2024)

“Hawn’s Mill,” Porousen Doctrine and Covenants

October 1838–February 1839

Hawn’s Mill

Eu awosukosuk me eu manaman

Willard Smith me an famini non Hawn’s Mill.

Willard Smith a 11 ierin. An famini ra nom non Hawn’s Mill, Missouri, fiti ekkoch Souneng. Ra mochen mwitir chufengen ren ekkewe Souneng non Far West.

Doctrine and Covenants 115:7–8; Saints, 1:347–48

Aramas ra feito repwe awosukosuka ekkewe Souneng non Hawn’s Mill.

Eu ran, Willard a nom ren seman me pwin kewe, Sardius me Alma. Mwitir chok, ra rong pungun pistor me pupuchor. Aramas ra war ar repwe awosukosuka ekkewe Souneng.

Saints, 1:348–49

Souneng ra opono seni ekkewe chon awosukosuk non Hawn’s Mill.

Meinisin ra sa ar repwe kutta nenien tumun. Chommong mwan me semirit ra opono non ewe nenien for mecha. Semen Willard we me pwin kewe ra pwan tonong non, nge Willard a imuno senir. A opono nukunupen eu pinukun ira. A rong pungun pistor unukun.

Saints, 1:349, 353

Willard a sa.

Willard a sa seni ew neni ngeni ew nei an epwe opono. Omuchunon, ekkewe pungun pistor ra kouno. Ekkewe chon awosukosuk ra no seni Hawn’s Mill.

Saints, 1:353

Willard non ewe nenien for mecha.

Willard a feito ngeni ewe nenien for mecha an epwe kutta an famini. Seman we me Sardius ra fen ninnino. Nge pwin Willard we kukkun Alma mi chok manau.

Saints, 1:353

Willard a aki pwin we Alma.

Ra fen peki non ukun Alma. A wesen feiengaw. Willard a eki Alma me ekieno ngeni an ar we famini tento.

Saints, 1:353–54

Amanda Smith a iotek fan iten noun we Alma.

Inen Willard we, Amanda, ese sinei ifa usun an epwe anisi ukun Alma we. Nge mi sinei Kot a sinei. A iotek, me a rong eu mongungu a ureni wesewesen met epwe fori.

Saints, 1:354

Amanda a a tumunu kinasan Alma we.

Amanda a tonu kinasen Alma we ngeni fanang. Mwirin a wusi ekkoch waran ira me wata won kinasan we. A tukumano nepekin we ren mwangku. “Kopwe chok ina ussun ne konetiw, me kosap mwokutukut,” a apasa, “me ewe Samon epwe for ngonuk pwan eu ukum.”

Saints, 1:354–55

Amanda a iotek ren aninis.

Mwirin, ewe kepinan Missouri a apasa pwe ekkewe Souneng repwene no seni ewe fonu ika resap iwe repwe mano. Nge ukun Alma we ese mwo chikar. Amanda a iotek me tingorei Kot ren aninis. Eu mongungu a ureni pwe Jises esap tongeni nikitano an famini. Amanda a mefi pwe ese wor och mettoch a tongeni efeiengawa.

Doctrine and Covenants 88:83; Saints, 1:372, 378–79

An Alma fetan mwirin an ukun we a chikar.

Mwirin chok an iotek, Amanda a rong noun kewe semirit ra pupuchor. A sanong rer, me nupwen a sanong, Alma a safetan. “Ua pochokun, Ma, Ua pochokun!” a apasa. Ukun we a chikar! A eu manaman seni ewe Samon. Amanda me noun kewe semirit ra no seni Missouri ar repwe kutta eu neni mi tumun fiti meinisin ekkewe Souneng.

Saints, 1:379