Nepoputan

Usun ewe Doctrine and Covenants

Ewe Samon a kapas sefan

Samach won Nang amen Tongei Kich. A mochen sipwe fori ach pwon mi pin ika pwon, ngeni I pwe epwe efeiochu kich. A tinato noun we Anaemon, Jises Kraist, epwe ach Chon Amanau me anisi kich sipwe niwisefan ngeni I.

Kot apwan tinato ekkewe soufos repwe asukuna kich usun Jises Kraist me An kewe annuk. Soufos ra angang fan iten Jises Kraist me anisi ne emweni An Mwichefen.

Jises a ereni ekkewe soufos met repwe asukuna ngeni kich. An ekkewe soufos kapas non ekkewe fansoun nom ra maketiw non ekkewe pukefen ren Paipen me ewe Puken Mormon

Non chommong fansoun mwirin an Jises nom won fonufan, ese wor soufos. Aramas rese fori me aponueta ar pwon mi pin ngeni Kot. Ewe Mwichefenin Jises Kraist ese nom won fonufan.

Me mwirin Kot a kori Joseph Smith epwe emon soufos. Joseph a chok emon anuon, nge Kot a mochen och mettoch mi auchea epwe fori.

Joseph Smith a asukun usun Jises. A aninis ne aueta an Jises we Mwichefen Jises a asukuna Joseph Smith An we kapas allim me ifa usun an epwe emweni An we Mwichefen.

Chommong mettoch Jises a ereni Joseph Smith a maketiw non ewe Doctrine and Covenants. Ewe Doctrine and Covenants iei eu pukefen ika Paipen me Puken Mormon.

porousen Doctrine and Covenants a aporousa usun an Jises eniwinato, ika eniwinsefanieto, An Mwichefen, seni an ewe Soufos Joseph Smith me ekkoch aninis. Memperun ewe Mwichefen ra iteni Souneng. Ekkei porous ra pwarata pwe Kot amen tongei Noun semirit non unusen fonufan. A mochen epwe efeiochu kich nupwen sia fori ach kewe pwon ngeni I.