1840–1842

Aueta Nauvoo

An ewe Samon kokkot fan iten eu ningochun teninimw

Ewe Samon a ereni ekkewe Souneng repwe ioifengen non eu minafon neni. A arap ngeni eu watten chonupupu a iteni ewe Mississippi. Ewe fonu a chochon me pwakak. Me ren ekkoch aramas, esap eu neni mi och ar repwe aueta eu teninimw. Nge ewe Soufos Joseph Smith a sinei pwe ren an ewe Samon aninis, ra tongeni fori epwe ningoch.

Doctrine and Covenants 124:25; Souneng, 1:417

Ekkewe Souneng ra poputa ne angang weires ne fori epwe eu neni mi och ar repwe nonnom ie. Ewe Soufos Joseph a eita ngeni ewe neni Nauvoo, mine wewen, “eu neni mi ning.”

Souneng, 1:417

Ewe Samon a ereni ekkewe Souneng repwe aueta eu imw non Nauvoo ikewe chon sai repwe tongeni feito me asoso ie. I a mochen Nauvoo epwe eu neni ikewe meinisin repwe mefi ketiw me ei.

Doctrine and Covenants 124:22–24, 60; Souneng, 1:426

Ewe Samon a ereni ewe Soufos Joseph pwe a wor an watten kokkot ren Nauvoo. A mochen noun kewe Souneng repwe ioifengen ikei pwe repwe tongeni aueta eu tempel. A tingorer repwe angang weires ren ar tongeni ne aueta Imwan we. Ekkewe Souneng ra mwitir poputa ne angang.

Doctrine and Covenants 124:25–28, 44, 55; Souneng, 1:420–21, 425–27

Ewe Samon a mochen ekkewe Souneng repwe aueta eu tempel pokiten I a wor an watten efeioch epwe ngenir. Non ewe tempel, repwe fori pwon mi pin, ika auchean pwon, ren ewe Samon. Repwe pwan kaeo usun an Samach won Nang kokkoten pwapwa fan iten meinisin Noun semirit.

Doctrine and Covenants 124:29–41; Souneng, 1:453–55

Ekkewe Souneng ra angang weires ne aueta ewe tempel, usun chok ewe Samon a annuku ngenir. A nakatam fansoun ar aueta, nge ra mwasangasang usun ewe ran emon me emon ir repwe tongeni kaeo usun ekkewe auchean pwon ewe Samon a awora fan iter me non ewe tempel.

Souneng, 1:453–55