“Eu Misin ngeni ekkewe pukutan Chon Merika,“ Doctrine and Covenants Tutunap (2024)
“Eu Misin ngeni ekkewe pukutan Chon Merika,“Doctrine and Covenants Tutunap
October 1830–January 1831
Eu Misin ngeni ekkewe Pukutan Chon Merika
Ekkewe Delaware Indian ra rong ewe kapas allim
Ekis ngeni chok mwirin an Parley Pratt we paptais, ewe Samon a kokori epwe fiti Oliver Cowdery me ekkoch won eu misin. A mochen pwe repwe afanafana ewe kapas allim ngeni ekkewe pukutan Chon Merika. Ekkewe misineri ra sai non chommong wik non onononun snow. Ouchunon ar saii, ra churi Kikthawenund, souemwenin ewe mwichen Delaware Indians.
Doctrine and Covenants 28:14; 30:5–6; 32; Souneng, 1:98, 115
Ewe souemwen a fokun chiechioch ngeni ekkewe misineri. A korato chienan kewe repwe ausening ar we porous. Oliver a apasa pwe i me Parley ra sai seni towaw ar repwe wato ngenir ewe Puken Mormon. A kapas usun aramas ekkewe ra nom non Merika non fansoun nom. Kot a mochen pwe repwe aporousa usun ewe puk pwe meinisin repwe sinei usun Jises Kraist.
Souneng, 1:115–16
Oliver a ngeni Kikthawenund eu kapin ewe Puken Mormon. A fokkun kinisou pwe Oliver me chienan kewe ra feito seni towaw ar repwe aporousa ngeni noun aramas. A ereni Oliver me Parley pwe a mochen repwe niwin sefan ar repwe annea ngenir me asukuner usun ewe Puken Mormon.
Souneng, 1:116–17