“An Parley Misin ngeni Canada,” Porousen Doctrine and Covenants (2024)
“An Parley Misin ngeni Canada,” Porousen Doctrine and Covenants
April–June 1836
An Parley Misin ngeni Canada
Pwari nuku non an ewe Samon pwon
Mwirin ewe Kirtland Tempel a efeioch, chommong meinap seni ewe Mwichefen ra no won misin ne afanafana ewe kapas allim.
Doctrine and Covenants 88:81; 109:22–23; 112:28–29; Souneng, 1:249
Parley Pratt a sani ne afanafana ewe kapas allim. Nge a ekieki epwe nomw neimw pokiten punuwan, itan Thankful, a semen. Ir ese pwan watte nour moni.
Souneng, 1:249
Heber Kimball, chienan Parley me emon ekkewe Aposel, ra wareto. I a efeiochu Parley me apasa i epwe afanafana ewe kapas allim non Canada. Non ewe efeioch, Heber a pwonei pwe Thankful epwe chikar sefan. I a pwonei pwe epwe wor noun at me ewe Samon epwe anisi Parley epwe angei ewe moni a nomot ngeni.
Souneng, 1:249–50
Thankful me Parley ra pupunu non 10 ier. Rese nounou semerit. Nge ra nuku non an ewe Samon pwon. Ina mwo ika a weires an towaw seni Thankful non Canada, Parley a no epwe aporausa ewe kapas allim.
Souneng. 1:250
Non Canada, Parley a kutta neni ian epwe afanafan ngeni aramas. A ais ika a tongeni asukun non ekkewe imwen fan me ekkoch teninimw. Meinisin ra ara apw.
Souneng, 1:252–53
Iwe Parley a churi John me Leonara Taylor. Ra tongeei Jises Kraist me ewe Paipel. John a aisini Parley ika met i a afanafana a sokono seni ewe Paipel.
Souneng, 1:252–53
Parley a apasa pwe a afanafan usun Jises, soufos, paptais, me ewe Ngun mi Fel. Meinisin ekkewe mettoch ra nom non Paipel. John a ais, “Nge ren Joseph Smith me ewe Puken Mormon?” Parley a ureni John pwe a sinei ewe Puken Mormon a enlet, usun chok Paipel, me Joseph Smith a emon soufosun Kot.
Souneng, 1:253
John a nuku met Parley a apasa. A aneani ewe Puken Mormon me sinei pwe mi enlet. John me Leonora ra kokori chiener Joseph, Mercy, me Mary Fielding me ekkoch repwe etto rongorong ngeni Parley an asukun. Chommong aramas ra paptais me fiti ewe Mwichefen.
Souneng, 1:254–55
Parley a pwapwa, nge i mochen no neimw ngeni Thankful non Kirtland. I a kapongen epwene no ngeni chienan minafo non Canada. Nupwen a kapong ne komoch pour, ra ngeni moni an epwe anisi ne tumunu an famili.
Souneng, 1:255–56
Nupwen Parley a tori neimw, a kuna pwe Thankful a ekis mefi pochokun. Parley a angei pwan ekkoch kapin ewe Puken Mormon me a niwin ngeni Canada epwe sopweno ne afanafana ewe kapas allim. Non ei fansoun, Thankful a fiti.
Souneng, 1:256
Mwirin chok Thankful me Parley ra sinei pwe repwe nouni emon monukon. Ra chechemeni ewe efeioch Heber a ngeni Parley. Ra mefi pwe mettoch meinisin ewe Samon a pwonei non ewe efeioch a fis.
Souneng, 1:256