February 1832

Joseph me Sydney Ra Weri Feiengaw

Aramas ra sossot ne auweno an noun Kot soufos angang

Ekkoch aramas ra sani met Joseph Smith a asukuna usun Samach won Nang, Jises Kraist, me nang. Nge ekkoch aramas rese sani met i a asukuna. Ekkoch neir ra poputa ne song me mochen auweno Joseph seni an asukun.

Doctrine and Covenants 76, Saints, 1:149–50

Eu pwin, Joseph a nena ngeni Emma ne anisi tumunu emon nein nour nipwe mi mumu. Ewe monukon a wesen semwen.

Souneng, 1:150

Emma a aki ewe semirit me ureni Joseph epwe asoso. I epwe afanafan nesosor. Amuchunon, Joseph me Emma ra mour.

Souneng, 1:150

Mwitir chok, ewe asam a sukuno, me epwi mwan mi song ra tonong non ewe room. Emma a puchor nupwen ekkewe mwan ra turufi poun Joseph, pechen, me mokuran. Ra urau i nukun ewe imw.

Souneng, 1:150–51

Joseph a sossot epwe pichino seni ekkewe mwan, nge ra kamochunuk i. Joseph a kuna pwe ekkewe mwan ra pwan urau chienan we Sidney Rigon seni imwan we.

Souneng, 1:151

Ekkewe mwan ra kamei seni Joseph ufan me nipengeni konta mi kar won unusen inisin me mokuran. Mwirin ra ponu ngeni unan machang me ra suu.

Souneng, 1:152

Mwirin ekkewe mwan ra no, Joseph a tofetan ngeni ewe imw. Emma a nuokus an ewe kuna Joseph. Chienan kewe ra nom ese towaw ra rong met a fis me mwitir sano aninis. Emma a atti ewe konta me won inisin Joseph. Unusen ewe pwinin, Emma me chienan kewe ra anisnis ne tumunu Joseph me Sidney.

Doctrine and Covenants 25:5; Souneng, 1:153

Ewe ran mwirin, Joseph mi chok nom non watte metek. Nge a ufouf me asukuna ewe mwichen aramas ren porousen Jises Kraist. Ekkoch ekkewe mwan ekkewe ra efeiengawa ra ausening ngeni an afanafan. Nesoponon ena ran, Joseph a papataisei unumon aramas. I a sopweno ne fori angangen ach ewe Samon, ina mwo aramas ra sossot ne auwenai.

Doctrine and Covenants 24:8; Souneng, 1:153