1838

Elaeja Able

Wan misin blong fet mo strong tingting

Lod i bin singaotem wan man we nem blong hem Elaeja Able blong kam wan misinari. Elaeja i tijim Eunice mo Charles Franklin abaot gospel blong Jisas Kraes. Hem i talem long tufala abaot Buk blong Momon mo Profet Josef Smit. Eunice mo Charles i biliv long wanem hem i bin tijim mo wantem blong joenem Jos. Elaeja i baptaesem tufala.

Saints, 1:316

Elaeja i aot blong serem gospel long wan narafala taon. Sam manis i pas, wan naet, hem i gat wan drim abaot fren blong hem Eunice. Long drim blong hem ia, Eunice i nomo sua sapos Buk blong Momon i tru o se Josef Smit i wan profet. Taem Elaeja i wekap, hem i gobak mo jekem Eunice.

Doktrin mo Ol Kavenan 75:27; Saints, 1:315–16

!Eunice i sek blong luk Elaeja long doa blong haos blong hem! Drim blong Elaeja i tru: Eunice i nomo biliv long Buk blong Momon o Josef Smit.

Saints, 1:317

Elaeja i askem Eunice blong kam harem hem i prij long skul ia. Taem hem i harem ol toktok blong Elaeja, hem i filim Tabu Spirit bakegen. !Hem i save se gospel i tru!

Saints, 1:317

Elaeja i promes long Eunice se bae hem i kambak long tu wik taem blong prij bakegen. Be i gat sam long ol pipol long taon oli no wantem hem blong i kambak. Afta we Elaeja i aot, oli stat blong talem long evriwan se Elaeja i stap kilim ded ol man. Oli stap givim wan riwod blong eniwan we i faenem hem.

Saints, 1:318

Eunice i save se ol pipol oli stap mekem giaman toktok abaot Elaeja. Hem i no kilim eni man i ded. Hem i bin wan gudfala man mo wan wokman blong God. Hem i save ol giaman blong olgeta bae i no stopem Elaeja blong hem i kambak blong prij. Eunice i talem long ol pipol se bae Elaeja bae i kambak. Hem i talem se “God bae i protektem hem.”

Saints, 1:318

Elaeja i bin kambak. Hem i kambak long sem skul we hem i bin prij long hem bifo. Ples i fulap long ol pipol we oli wantem blong oli arestem hem. Elaeja i stap long fored blong ol pipol. Hem i talem se sapos oli wantem blong arestem hem, oli mas mekem naoia bifo hem i stat blong tij. Sapos no, oli letem hem i tij.

Saints, 1:318

I no gat wan i muv. Elaeja i wet, be ol man oli sidaon wetem kwaet. Elaeja i singsing wan hym, talem wan prea, mo tijim gospel blong Jisas Kraes. Paoa blong God i stap wetem hem. Afta we hem i finis long tijing blong hem, hem i toktok wetem ol fren blong hem Eunice mo Charles mo gohed long misin blong hem wetem pis.

Saints, 1:319