Septemba 1830

Haeram Pej mo Revelesen

Ol Sent oli lanem olsem wanem God i lidim Jos blong Hem

Haeram Pej i wan fren blong Josef Smit mo Oliva Kaodri. Hem i wan long ol eit witnes blong buk ia we oli wokem long gol. Haeram i gat wan ston, mo hem i bilivim se God i stap yusum blong givim ol mesej long hem, o ol revelesen blong Jos. Oliva mo ol narafala Sent oli biliv long ol revelesen we Haerum i kasem long God.

Doktrin mo Ol Kavenan 28, seksen heding; Saints, 1:97

Ol revelesen blong Haeram i semmak nomo olsem ol skripja. Be oli defren long wanem Baebol i tijim. Oli defren tu long wanem Lod i talem long Profet Josef. Josef i no save wanem stret blong mekem.

Saints, 1:97

Josef i wekap ful naet blong askem God blong i helpem hem. Hem i wari blong mekem wan rong samting mo mekem ol fren blong hem ol harem nogud.

Saints, 1:97

Josef i wantem ol pipol blong lukaotem revelesen blong laef blong olgetawan. Bae i hem konfius sapos evriwan oli traem blong kasem revelesen blong ful Jos.

Saints, 1:97

Long en, Lod i givim wan revelesen blong serem wetem Oliva. Lod i talem se profet nomo i save kasem revelesen mo ol komanmen blong ful Jos. Hem i talem se Oliva i mas tijim hemia long Haeram.

Doktrin mo Ol Kavenan 28:2, 6–13

Lod i wantem Haeram blong andastanem se hem i save kasem revelesen blong laef blong hemwan. Be revelesen blong Jos bae profet blong Lod nao i kasem. Haeram i lisin long Oliva mo i sakem sin. Ol Sent oli andastanem moa gud naoia olsem wanem Lod i lidim Jos blong Hem.

Saints, 1:98