“ Sidni mo Phebe Rigdon,” Ol Doktrin mo Kavenan Stori (2024)
“ Sidni mo Phebe Rigdon” Ol Doktrin mo Kavenan Stori
Oktoba–Novemba 1830
Sidni mo Phebe Rigdon
Jenisim laef blong tufala blong akseptem gospel
Parli Prat mo ol narawan oli stap go blong serem gospel wetem Ol Stret Man Amerika. Taem oli stap go Parli i wantem blong stop mo go visitim fren blong hem Sidni Rigdon. Sidni i wan prija ia we i bin tijim Parli abaot Jisas Kraes long Baebol. Naoia Parli i wantem blong tijim Sidni abaot Jisas insaed long Buk blong Momon.
Doktrin mo Ol Kavenan 32; Saints, 1:99
Parli i talem long Sidni abaot Buk blong Momon mo invaetem hem blong ridim. Sidni i gat tu tingting, be from Parli i fren blong hem, hem i promes se bae hem i ridim.
Saints, 1:100
Taem Sidni i ridim Buk blong Momon, hem i save se i kam long God. Hem i serem ol filing blong hem wetem waef blong hem, Phebe.
Saints, 1:101
Be Sidni i no save wanem blong mekem afta. Sapos hem i kasem baptaes, bae hem i lusum wok blong hem olsem wan prija long jos blong hem. ?Olsem wanem nao bae hem i lukaot long Phebe mo ol sikis pikinini blong hem? ?Olsem wanem nao bae ol pipol long jos blong hem bae oli filim? Hem i prea long Papa long Heven from help, mo hem i kasem wan filing blong pis.
Saints, 1:101; Doktrin mo Ol Kavenan 19:23
Sidni i askem Phebe se sapos hem i wantem lego gudfala laef blong olgeta mo joenem niufala jos ia wetem hem. “Hem i strong tingting blong mi blong folem tingting blong God,” hem i talem, “kam long laef o kam long ded.” Oli disaed blong kasem baptaes.
Saints, 1:101
Afta, Sidni i mitim Profet Josef Smit. Lod i givim wan mesej long Sidni tru long Josef Smit. Hem i talem se God i bin luk plante gudfala samting we Sidni i bin mekem mo harem ol prea blong hem. Lod i talem long Sidni se Hem i gat bigfala wok blong hem i mekem. Sidni bae i mekem ol bigbigfala samting.