Febwari 1833

Tok blong Waes

Loa blong Lod blong stap helti

Josef Smit i invaetem sam man long Jos blong gat ol miting wetem hem long top floa antap long stoa blong Niuwel mo An Witni. Long ples ia oli lanem abaot gospel mo ol narafala samting, mo oli prea olsem wan grup. Oli singaotem ol miting ia Skul blong Ol Profet.

Doktrin mo Ol Kavenan 88:117–137; Saints, 1:166

Plante long ol man ia oli stap smokem paep mo kakae tabak long taem blong ol lesen ia. Smok ia i mekem rum i fulap long klaod, mo tabak i toti daon long floa. Afta long ol miting ia, Ema Smit bae i go antap long rum blong klinim. !I toti tumas!

Saints, 1:167

Ema i brasem mo brasem ol floa ia, be ol toti blong tabak i no save kamaot. Hem i toktok long Josef abaot ol toti ia.

Saints, 1:167

Josef i stap lisin long Ema. Hem i harem wanem Ema i talem i mekem hem i tingting se olsem wanem nao Lod i filim abaot tabak.

Saints, 1:167

Mekem se Josef i askem Lod abaot tabak. Lod i talem long Josef se Hem i gat wan Tok blong Waes blong ol Sent.

Doktrin mo Ol Kavenan 89:1–9; Saints, 1:167

Lod i askem ol Sent blong oli no smok, yusum tabak, o dring alkol o “ol hot drink,” we i minim kofi mo ti

Doktrin mo Ol Kavenan 89:1–9; Saints, 1:167

Lod i tijim ol Sent se ol sid[we oli save kakae] mo frut oli gud blong kakae. Hem i talem tu se samtaem oli save kakae mit.

Doktrin mo Ol Kavenan 89:10–17; Saints, 1:168

Lod i talem long Josef se ol Sent we oli jusum blong obei long Tok blong Waes blong blong Hem bae Hem i protektem olgeta. Lod i promesem olgeta gudfala helt, save, mo paoa. Josef i talem long ol man long Skul blong Ol Profet abaot Tok blong Waes blong Lod.

Doktrin mo Ol Kavenan 89:18–21; Saints, 1:168

Ol man long rum ia oli sakem tabak blong olgeta wetem ol paep blong smok long faea, from oli wantem blong obei long Tok blong Waes blong Lod.

Saints, 1:168