Julae 1830

Wan Revelesen blong Ema

Lod i bin jusum hem blong mekem wok blong Hem

Laef i stap jenis hariap blong Josef mo Ema. Lod i talem long Josef Smit blong stop blong stap lukluk nomo long fam. Be, Josef i mas spenem moa taem blong hem blong tijim ol pipol abaot Jisas Kraes mo helpem Jos blong Lod i gro.

Doktrin mo Ol Kavenan 24:7–9; Saints, 1:96

Ema i gat plante kwestin abaot jenis ia. Hem i no save wanem nao hem i mas mekem taem Josef i stap givim seves long Lod. ?Bae hem tu i helpem Lod mo Jos ia blong Hem?

Saints, 1:96

Lod i toktok long Ema tru long wan revelesen we oli givim long Josef. Hem i singaotem “Ema Smit, gel blong mi.” Hem i talem long Ema se Hem i bin jusum hem blong mekem wok blong Hem. Hem i wan spesel woman, mo Hem i gat plante naes samting blong hem i mekem.

Doktrin mo Ol Kavenan 25:1–3

Lod i askem Ema blong travel wetem Joseph. Lod i bin talem se bae Ema i save eksplenem ol skripja mo tijim ol memba blong Jos. Hem i talem long Ema blong putum Hem faswan long laef blong hem mo kipim ol kavenan blong hem. Hem promes long Ema se bae hem i gat Spirit blong Hem. Hem i wantem hem blong lan, gro mo kasem ol blesing blong Hem.

Doktrin mo Ol Kavenan 25:2, 6–10, 15

Lod i talem long Ema se Hem i laekem blong harem ol pikinini blong Hem i singsing. Hem i talem se ol singsing blong Ol Sent blong Hem i olsem wan prea long Hem. Hem i askem Ema blong mekem wan buk blong ol hym mekem se Ol Sent oli save singsing long hem tugeta. Ema i faenem plante naes singsing abaot Lod mo gospel blong Hem mo mekem i kam wan hymbuk

Doktrin mo Ol Kavenan 25:11–12; Saints, 1:221–22

Laef blong Ema mo Josef i gohed blong jenis, be Ema i save se Lod i lavem hem mo i gat wan stamba tingting blong hem. Hem i givim seves long Lod mo ol pipol raon long hem. Hem i bin helpem Jos blong Jisas i gro.

Doktrin mo Ol Kavenan 25:13–15; Saints, 1:221–23