Tebetembwa 1830

Hiram Page ao te Kaotioti

A reiakinna Aika Itiaki bwa E kanga te Atua ni kaira Ana Ekaretia

Hiram Page bon raoraon Iotebwa Timiti ao Oliver Cowdery. Bon ngaia temanna mai ibuakoia taan kakoaua ake waniman iaon bwatua koora. Iai ana atiibu Hiram, ao e kakoauaa bwa te Atua e kabongana n anganna iai rongorongo, ke kaotioti, ibukin te Ekaretia. Oliver ao Aika Itiaki ake tabeman a kakoauaa ana kaotioti Hiram bwa a roko mairoun te Atua.

Reirei ao Berita aika Tabu 28, atuun te mwakoro; Saints, 1:97

Ana kaotioti Hiram kanga ai aron booki aika tabu. Ma a kaokoro man baike e reireiia te Baibara. A bon kaokoro naba ma are e a tia te Uea n tuanga te Burabeti Iotebwa. E aki ataia Iotebwa bwa tera ae e na karaoia.

Saints, 1:97

E aki matu Iotebwa n te tairiki anne ni butiia te Atua ibukin buokana. E raraoma ngkana e karaoa te bwai ae e kairua ao ni kauna raoraona.

Saints, 1:97

E tangiria Iotebwa bwa aomata a na ukorii kaotioti ibon ibukin maiuia. Ma e na rangi ni kamangaongao ngkana ni kabane aomata a kataia ni karekei kaotioti ibukin te Ekaretia ae bwanin.

Saints, 1:97

N tokina, e anga te Uea te kaotioti ae e na tibwaia Iotebwa ma Oliver. E taku te Uea bwa bon ti te burabeti ae kona ni karekea te kaotioti ao te tua ibukin te Ekaretia ae bwanin. E taku bwa e riai Oliver n reireia aio nakon Hiram.

Reirei ao Berita aika Tabu 28:2, 6–123

E tangiria te Uea bwa e na ataia Hiram ae e kona ni karekea te kaotioti ibon ibukin maiuna. Ma te kaotioti ibukin te Ekaretia e na roko nakon ana burabeti te Uea. E ongo Hiram iroun Oliver ao e rairananona. A reiakinna raoi ngkai Aika Itiaki bwa E kanga te Atua ni kaira Ana Ekaretia.

Saints, 1:98