1840–1842

Katean Nauvoo

Ana baire te Uea ibukin te kaawa ae tamaroa

E tuangiia Aika Itiaki te Uea bwa a na ikotaki n te tabo ae boou. Te tabo ae kaan ma te karaanga ae bubura ae aranaki bwa te Mississippi. Te aba anne e aomwaimwai ao ni bokaboka. Irouia aomata tabeman, tiaki taraan te tabo ae raoiroi ni kateaki te kaawa iai. Ma e ataia te Burabeti Iotebwa Timiti bwa man ana ibuouboki te Uea, a kona ni karaoia bwa e na tamaroa.

Reirei ao Berita aika Tabu 124:25; Aika Itiaki, 1:417

A waaki Aika Itiaki ni mwakuri korakora ni karaoia bwa te tabo ae tamaroa ibukin te maeka. Te Burabeti Iotebwa e arana te kaawa bwa Nauvoo, are nanona bwa te “tabo ae tamaroa.”

Aika Itiaki, 1:417

E tuangiia Aika Itiaki te Uea bwa a na katea te auti i Nauvoo are a na kona n roko iai taan mwamwananga ao n tiku ni motirawa. E tangira Nauvoo bwa e na riki bwa te tabo are a namakina iai te butimwaeaki aomata nako.

Reirei ao Berita aika Tabu 124:22–24, 60; Aika Itiaki, 1:426

Te Uea e tuanga te Burabeti Iotebwa bwa iai Ana baire ae korakora ibukin Nauvoo. E tangiriia Ana aomata Aika Itiaki bwa a na ikotaki ikai bwa aonga ni kona ni katea te tembora. E tuangiia bwa a na mwakuri ni kakorakoraia ni katea Ana auti. A waekoa ni moana aia mwakuri Aika Itiaki.

Reirei ao Berita aika Tabu 124:25–28, 44, 55; Aika Itiaki, 1:420–21, 425–27

E tangiriia Aika Itiaki te Uea bwa a na katea te tembora ibukina bwa iai kakabwaia aika E na anganiia. Inanon te tembora, a na kona ni karaoi berita aika a tabu, ke berita aika onoti, ma te Uea. A na kona naba n atai ana baire ni kakukurei Tamaia are i Karawa ibukiia Natina ni kabane.

Reirei ao Berita aika Tabu 124:29–41; Aika Itiaki, 1:453–55

A kakorakoraia ni mwakuri Aika Itiaki ni katea te tembora n aron are e tua te Uea. E abwabwaki te tai, ma a rangi n ingainga nakon te bong are a na kona iai n reiakina taekan te berita ae onoti are e berita iai nakoia te Uea ibukiia i nanon Ana tembora.

Aika Itiaki, 1:453–55