Aokati–Okitobwa 1840

A Reirei Aika Itiaki Taekan te Bwabetito ibukiia Mate

Kaantaninga ibukiia kain te utu ake a tuai ni bwabetitoaki

E maeka Jane Neyman i Nauvoo. E kaea te taunimate are e taetae iai Iotebwa Timiti. Te taunimate e a karika Jane bwa e na iangoa taekan natina te mwane ae Cyrus. E a tia ni mate ao e tuai ni bwabetitoaki. E tabeaianga ana iango Jane ibukin Cyrus. E ataia bwa ti na riai ni bwabetitoaki bwa ti na maeka ma Tamara are i Karawa.

Aika Itiaki, 1:421

E ataa aron ana namakin neiei Iotebwa. E iangoa naba aekakin anne ibukin tarina ae Alvin, are e a tia ni mate ao e aki bwabetitoaki.

Aika Itiaki, 1:421

N tain te taunimate, e tibwaa te bwai Iotebwa are e a tia n reireinna te Atua. E taku bwa ngkana temanna e a tia ni mate ao e tuai ni bwabetitoaki, ti kona ni bwabetitoaki ibukiia.

Aika Itiaki, 1:421

E rangi ni kukurei Jane n ongo aei! Ni waekoa imwiin te taunimate, e nakon te karanga ma te unimwaane n te Ekaretia. E bwabetitoa neiei ibukin Cyrus.

Aika Itiaki, 1:421

Tabeua te wiiki imwiina, e reireiniia Aika Itiaki ae bati riki Iotebwa iaon taekan te bwabetito ibukiia maate. E taku bwa a mwaiti aomata aika a tia ni mate aika a tangiria bwa a na bwabetitoaki. A tangiria n iriira Iesu Kristo. A tataninga ao a kantaningaia kain aia utu aika a teimatoa ni maiu bwa a na bwabetitoaki ibukiia.

Reirei ao Berita aika Tabu 128:15–19; Aika Itiaki, 1:423

A biri Aika Itiaki nakon te karaanga n te tai naba arei. A bwabetitoaki ibukiia aomata ake a tangiriia. Hyrum Smith e bwabetitoaki ibukin Alvin. Imwiina, e reirei te Uea bwa te bwabetito ibukiia mate e riai ni karaoaki n te tembora. temanna e riai ni kawakin rekooti ni katoai bwabetito, ao mwaane a riai ni bwabetitoaki ibukiia mwaane ao aine ibukiia aine.

Reirei ao Berita aika Tabu 124:29–32; 127:5–12; 128:1–9; Saints, 1:424