Maati–Tuun 1844

A Anga Maiuia Iotebwa ao Hyrum Ibukin te Euangkerio

E mate te Burabeti, ma e reitinako ana mwakuri te Uea

E rangi n raraoma Iotebwa Timiti. Tera ae e na riki nakon te Ekaretia ngkana e mate? E tangiria ni kakoaua raoi bwa ana mwakuri te Uea e na teimatoa n reitinako. Ngaia are e ikotiia Abotoro ao e anganiia kiingin te nakoanibonga are e a tia n anganna Iesu Kristo. E nanonaki n aei bwa Abotoro a kona ni kaira ana Ekaretia te Uea ao ni karaoa Ana mwakuri. Aio e buoka Iotebwa n namakina te kukurei.

Aika Itiaki, 1:519–20

Ma a mwaiti aomata ake a un iroun Iotebwa. Tabeman a tangiria n tiringnga. Aki tangira ana reirei are e tataekinna. A korea rongorongona inanon nutibeebwa ni kauniia riki aomata iroun Iotebwa ao te Ekaretia. Tabeman mai ibuakoia a tangiria ni kakiriweea Nauvoo.

Aika Itiaki, 1:526–28, 530–32, 533–34

Iotebwa ma taan kairiiri ake tabeman i Nauvoo a urua te tabo ni boreeti ni katoka te kairiribai bwa e na butanako. Aio are e a kauniia riki aomata. Te koowana e tuanga Iotebwa bwa e na nakon kaawan Carthage bwa e na baireaki taekana iroun te tia moti bwa e urua te tua ke e aki. E ataia Iotebwa bwa ngkana e nako Carthage, e na tiringaki irouia aomata.

Reirei ao Berita aika Tabu 135:4; Aika Itiaki, 1:533–37, 539–41

Ma Iotebwa e tangiria naba Aika Itiaki bwa a na kamanoaki. Ngkana e nako Carthage, tao ngkane aomata a na katikuia Aika Itiaki i Nauvoo n aki kuaiia. E baireia Iotebwa bwa e na nako. E kakabwaiaia Emma ma natina, kaboria ma ngaiia ni kabo, ao e nako Carthage.

Aika Itiaki, 1:542–44

Tarin Iotebwa are Hyrum e nako ma ngaia. Ai aroia naba John Taylor, Willard Richards, ao raoraoia ake tabeman. Ngke a nako, e katea ana aoti Iotebwa ao e tan rikaaki nako Nauvoo. E taku, “Aio bon te tabo ae moan te tamaroa ao aomata aika tamaroa iaan karawa,”.

Aika Itiaki, 1:543–45

Ngke a roko i Carthage, a karinaki n te karabuuti. Ngke a mena inanon te karabuuti, E wareware nakoia Hyrum man ana Boki Moomon. E tuangiia taan tararua Iotebwa bwa e bon koaua ana Boki Moomon.

Aika Itiaki, 1:546

Ni karaua nanoia raoraona, John Taylor e anenea te kuna n taromauri ae taekan Iesu. E bon rangi n tamaroa, ao e tuangnga Hyrum bwa e na aneneia riki.

Aika Itiaki, 1:549

Imwiina n te bong anne, a waekoa n niniia te karabuuti mwaane aika un ma aia katii. A tokoanako te mataroa ao a kakaatia nanon te ruu are a mena iai Iotebwa ma raraona. E korakora ikoakin John Taylor. A mate Hyrum ao Iotebwa.

Reirei ao Berita aika Tabu 135:1–2; Aika Itiaki, 1:550–52

A rootaki n te nanokawaki Aika Itiaki ngke a kunea bwa a mate Iotebwa ao Hyrum. Ma a ataia bwa tiringan te Burabeti e na bon aki katoka te Ekaretia. Bon ana Ekaretia te Tia Kamaiu, ao E na reitinako ni kairia. E na reitinako n rikirake te Ekaretia ni kakabwaiaia natin te Atua ni kabuta te aonaaba.

Aika Itiaki, 1:553–59