1838

Elijah Able

Te mition n onimaki ao n ninikoria

Te Uea e wetea te mwaane ae arana Elijah Able bwa e na riki bwa te mitinare. Elijah e reireiniia Eunice ao Charles Franklin taekan ana euangkerio Iesu Kristo. E tuangiia taekan ana Boki Moomon ao te Burabeti Iotebwa Timiti. A kakoaua Eunice ao Charles te bwai are e reireiniia ao a tangiria ni kaina te Ekaretia. E bwabetitoiia Elijah.

Saints, 1:316

E nako Elijah n tibwa te euangkerio n te kaawa are teuana. Te tairiki teuana, tabeua te namwakaina imwiina, e miia raraona are Eunice. Ni miina, Eunice e aki kakoaua bwa ana Boki Moomon e koaua ao Iotebwa Timiti bwa te burabeti. Ngke e uti Elijah, e waekoa n oki n noora Eunice.

Reirei ao Berita aika Tabu 75:27; Saints, 1:315–16

E mimi Eunice n noora Elijah i matan ana mataroa! E bon koaua miin Elijah: e aki kakoaua ana Boki Moomon Eunice ke Iotebwa Timiti.

Saints, 1:317

Elijah e tuanga Eunice bwa e na roko n ongora ana kabwarabwara n te reirei. Ngke e ongo ana taeka Elijah, e a manga namakina te Tamnei ae Raoiroi. E ataia bwa e bon koaua te euangkerio!

Saints, 1:317

E berita Elijah nakon Eunice bwa e na manga oki inanon uoua te wiiki bwa e na manga kabwarabwara riki. Ma tabeman aomata n te kaawa a aki tangiria bwa e na manga oki. Imwiin nakon Elijah, a waaki n tuangiia aomata nako bwa e a tia n tiringiia aomata Elijah. A anganano nakon are e kunea teuaei bwa ana anganna te kanuanga.

Saints, 1:318

E ataia Eunice bwa a kewe aomata n taekan Elijah. Akea te aomata ae tiringnga. Bon te aomata ae raoiroi ao ana toro te Atua. E ataia bwa aia kewe e aki kona n tuuka rokon Elijah n aia kaawa bwa e na kabwarabwara. E tuangiia aomata Eunice bwa e na manga oki Elijah. “E na kawakinaki iroun te Atua,” e taku.

Saints, 1:318

E bon oki Elijah. E roko nakon te reirei are e bon kabwarabwara naba iai mai imwaina. E bon onrake irouia aomata ake a tangiria bwa e na kabureaki. Elijah e tei imataia te koraki. E taku bwa ngkana a tangiria ni kaburea, a na riai ni karaoia ngkai, imwain ae e waaki ni kabwarabwara. Ngkana aki, a na riai ni kariaia bwa e na angareirei.

Saints, 1:318

Akea ae kakamwakuri. E tataninga Elijah, ma te koraki a tekateka ni kainabwaabu. E anene Elijah, e tataro, ao e anga reirei taekan ana euangkerio Iesu Kristo. Mwaakan te Atua e bon mena irouna. Imwiina ngke e bane ana angareirei, e kakarabakau nakoia raoraon Eunice ao Charles ao e reitanako ana mition inanon te rau.

Saints, 1:319