1817–1820

Ana Moan Mii ni Burabeti Iotebwa Timiti

Te kaeka nakon te tataro ae mangori

N te tabo are a maeka iai ana utu Iotebwa Timiti, a mwaiti ekaretia are a reireiia taekan Iesu Kristo. A bane n reireiia bwaai aika a kakaokoro ibukina. E aki koaua Iotebwa bwa antai ae eti. E ataia bwa e kainnanoa te Tia Kamaiu, ma e aki ataia bwa te ekaretia raa ae e na iria.

Iotebwa Timiti—Rongorongo 1:5–6; Aika Itiaki, 1:9

E iangoa taekan aei n te tai ae maan Iotebwa. E tangiria ni kan kabwaraaki ana bure. E kawarii ekaretia aika mwaiti, ma e teimatoa n namakina te nanououa.

Iotebwa Timiti—Rongorongo 1:8–10; Aika Itiaki, 1:9–12

Te bong teuana, e wareka Iakobo 1:5 i nanon te Baibara. E taekinaki bwa ngkana ti kainanoa te wanawana, ti kona ni butiia te Atua ibukin te ibuobuoki. E ataia inanona Iotebwa bwa aio bon te bwai ae e kainanoia ni karaoia.

Iotebwa Timiti—Rongorongo 1:11–13

Ni moaningabongin te tiburing ae tamaroa n 1820, e nakon te buakonai are uakaan ma mweengana Iotebwa. E tangiria ni mena n te tabo ike e kona n tiku n tii ngaia n tataro nakon Tamana are i Karawa.

Iotebwa Timiti—Rongorongo 1:14-15

E katorobubua Iotebwa ao ni moanna ana tataro. Ngke e karaoia, e namakina korakoran mwaakan te riaboro n taua. E namakina te rootongitong n otabwaniniia. E taraa n ae kanga temanna e kataia ni katokia n taetae nakon te Atua. E kabongana korakora ni kabane Iotebwa n butiia te Atua bwa e na kamaiua.

Iotebwa Timiti—Rongorongo 1:15–16

N te tai ae waekoa, e noora te oota Iotebwa ae tamaroa n otanako ae ruo mai karawa. E nako te rootongitong e nako, ao e namakina te rau. I nanon te oota, e noora Tamara are i Karawa ao Iesu Kristo Iotebwa n tei i aon te eea. E taekina aran Iotebwa Timiti Tamara are i Karawa. Ngkanne E kotea Iesu Kristo man taku: “Aio Natiu ae Tangiraki. Ongo Irouna!”

Iotebwa Timiti—Rongorongo 1:16–17

E tuanga Iotebwa Iesu bwa a tia ni kabwaraaki ana bure. E butiia Iesu Iotebwa bwa e ngaa te ekaretia are e na iria. E taku Iesu bwa e riai n aki kaina teuana mai ibuakoia.

Iotebwa Timiti— Rongorongo 1:18-19; Aika Itiaki, 1:16

E taekinna bwa a tia ni bua kakaawakin te koaua iaon Ana Euangkerio. E taekinna E na kanakoia anera n reireiia koaua aikai nakon Iotebwa, n tibwaia ma te aonaaba.

Aika Itiaki, 1:16–17

I mwiina ngke e toki te mii ni burabeti, e bon kaonaki Iotebwa ma te tangira ao te kimwareirei. E aki manga nanououa riki. E ataia bwa e tangiria te Atua. E ngae ngke tabeman aomata a ribaia ibukina ngke e taku bwa e a tia noora Tamara are i Karawa ao Iesu Kristo, e ataia Iotebwa bwa e bon koaua.

Iotebwa Timiti— Rongorongo 1:20–26; Aika Itiaki, 1:16