Beberuare 1833

Tuan te Mauri

Ana tua te Uea iaon te marurung

E kaoia tabeman mwaane n te Ekaretia Iotebwa Timiti bwa ana boowi ma ngaia n te borauaotao n ana titoa Newel ao Ann Whitney. Ikekei a reiakina te euangkerio ao bwaai tabeua, ao a tataro n te kurubu. A aranii boowi aikai bwa aia Reirei Burabeti.

Reirei ao Berita aika Tabu 88:117–137; Saints, 1:166

A mwaiti mwaane ake a moko n te bwaibu ao a kangta te bakee n tain te reirei. E a bubu te eea man te moko, ao te bakee e karika te memea iaon te timanti. Imwiin te boowi, e waerake Emma Smith ni kaitiaka te ruu. E bon rang barekareka!

Saints, 1:167

E tikurabu ma n tukurabuna aon te timanti, ma e aki roko n te nako memean te bakee. E taetae nakon Iotebwa ibukin te memea.

Saints, 1:167

E ongora Iotebwa iroun Emma. E karekea ana iango bwa tera ana namakin te Uea ibukin te bakee.

Saints, 1:167

Ngaia are Iotebwa e titirakina te Uea ibukin te bakee. E tuanga Iotebwa te Uea bwa iai Tuan te Mauri ibukiia Aika Itiaki.

Reirei ao Berita aika Tabu 89:1–9; Saints, 1:167

E taku te Uea bwa a riai Aika Itiaki n aki moko, kabongana te bakee, ke n nima te arekooro ke “mooi aika kabuebue,” are e nanonaki te koobee ao te ii.

Reirei ao Berita aika Tabu 89:1–9; Saints, 1:167

E reirei naba te Uea nakoia Aika Itiaki bwa kurein ao uanikai a raoiroi n te kanaki. E taku naba bwa a kona n tabetai ni kana te irikomaiu.

Reirei ao Berita aika Tabu 89:10–17; Saints, 1:168

E tuanga Iotebwa te Uea bwa ane e ongeaba nakon Tuan te Mauri irouia Aika Itiaki ao e na bon katanaki. E berita te Uea bwa e na kakabwaiaia ma te marurung, te ataibwai, ao te korakora. E tuangiia mwaane n aia Reirei ni Burabeti Iotebwa ana taeka te Uea iaon taekan Tuan te Mauri.

Reirei ao Berita aika Tabu 89:18-21; Saints, 1:168

Mwaane ake n te ruu a karenakoi aia bakee ao aia bwaibu ni moko inanon te ai ni kaotia bwa a tangiria n ongeaba nakon Tuan te Mauri.

Saints, 1:168