“Joseph ao Emma,” Reirei ao Berita aika Tabu (2024)
“Joseph ao Emma,” Reirei ao Berita aika Tabu
1825–1828
Iotebwa ao Emma
Ikotaki ni mwakuri ni uotarake Ana Boki Moomon nakon te aonaaba
E rikirake n ana utu ae bubura Emma Hale i Pennsylvania, n aki raroa mai New York, ike e maeka iai Iotebwa Timiti. A kakoaua te Atua Emma ao ana utu. E tatangiria Emma ni wareware, anene, n toka i aon ana aoti, ao ni bwennarinaa te waa n te karaanga irarikin mweengana.
Aika Itiaki, 1:31–32
Ngke e a koro 21 ana ririki Emma, a roko Iotebwa Timiti ao tamana ni mwakuri irouia kaain rarikin Emma temanna. E kaoiia ana karo Emma bwa a na tiku n ana auti.
Iotebwa Timiti—Rongorongo 1:56–57; Aika Itiaki, 1:31–32
A moanna ni kinaia i marenaia Iotebwa ao Emma. A tangiria ni kan ikoikotaki. Ma ana karo Emma aki tangira Iotebwa. Aki kakoaua bwa e a tia noora te anera.
Aika Itiaki, 1:32–33
Inanon teuana te ririki imwina, e tuanga Emma Iotebwa bwa e na mare ma ngaia. Emma ao Iotebwa a bon tangiria i marenaia. A mareaki ao a nako ni maeka ma ana karo Iotebwa i New York.
Iotebwa Timiti—Rongorongo 1:57–58; Aika Itiaki, 1:34–35
Aua te ririki n nako mai imwin te tai are e tuanga Iotebwa Moronaai taekan bwaatua koora. Ngke e a roko te tai, a nakon te tabuki Emma ao Iotebwa ike a karabaaki iai bwaatua koora.
Iotebwa Timiti—Rongorongo 1:59; Aika Itiaki, 1:36–37
E kaitibo te anera Moronaai ma Iotebwa i aon te tabuki ao e anganna taian bwaatua. E tuanga Iotebwa bwa ngkana e karaoa ana kabanea n tamaroa n tararuai taian bwaatua, a na bon kamanoaki.
Iotebwa Timiti—Rongorongo 1:59; Aika Itiaki, 1:37–38
A ongo Aomata ae iai taian bwaatua koora iroun Iotebwa, ao tabeman a kataia n iraei bwaatua mai irouna. E kakaei taabo ae na karabai iai Iotebwa. Ngke e uotii bwaatua Iotebwa man te tabo are e karabai iai n te buakonikai, a kamwaruaa tabeman mwaane. E kaaitaraia ao n touiia nako ao e biri nakon mweengaia ana karo.
Iotebwa Timiti—Rongorongo 1:60; Aika Itiaki, 1:38, 40–41
Ngke e uotii taian bwaatua nakon mweengana Iotebwa, e a buokia mwanena ni bairea aon te taibora. E tuanga Iotebwa Moronaai bwa e na aki kaoti bwaatua nakon temanna, ma a kona ana utu n riingi n niniraia n te kunikai.
Aika Itiaki, 1:41
E tangira Iotebwa te Atua bwa e na rairi taian bwaatua koora bwa aonga aomata ni kona ni warekia. Ma a kataia ni iraei bwaatua aomata i New York. E teimatoa Iotebwa ni karabai taian bwaatua ni kamanoi. Ngaia are a mwaing Iotebwa ao Emma nakon te mweenga ae kaan nakon mweengaia ana karo Emma. A kaantaninga bwa a na kona n rairi taian bwaatua i nanon te rau.
Iotebwa Timiti—Rongorongo 1:61–62; Aika Itiaki, 1:43, 45–46
E moana rairakin taian bwaatua Iotebwa. E kabonganai bwaai ni mwakuri aika onoti are katauraoia te Atua bwa buokana. Ngke e rairairi Iotebwa, e korei baike e taekini Emma. A ikotaki ni mwakuri i nanon te aoa teuana ma aoa teuana. E rangi ni miimi Emma. Neiei e ataia bwa kainabana e bon rairairi man mwaakan te Atua.
Iotebwa Timiti—Rongorongo 1:35; Aika Itiaki, 1:49