Ritembwa 1830–Aokati 1831

Te Utu ae te Knights ao Tabeman a Ikotaki i Tion

Ongeaba nakon ana wewete te Uea

A maeka Polly ao Joseph Knight ma aia utu i New York. A rang ni kina te Burabeti ae Iotebwa. Imwiin reiakinan te euangkerio, a rineia bwa a na kaaina te Ekaretia. Ngke e tuangiia te Uea Aika a Itiaki bwa a na mwaing nako Ohio, a ongeaba te utu ae te Knights.

Reirei ao Berita aika Tabu 37; Saints, 1:33, 94, 109–110

A rang kukurei ana utu Knights ngke a roko i Ohio. Leman Copley, te membwa n te Ekaretia, e taku bwa tabeman Aika Itiaki a kona ni maeka iaon abana. E mwaawa ana tabo ikekei ibukin unikan aroka ao katean mweenga. A mwakuri korakora Joseph Knight ma natina mwaane ni katauraoa te marae ibukin unikan aroka.

Saints, 1:126–27

Ma n te bong teuana, e bita ana iango ibukin abana Leman. E aki tangiriia Aika Itiaki bwa a na manga maeka ikekei. E tuangiia ana utu Knights ao aomata nako bwa a na kiitana ikekei.

Saints, 1:127

A raraoma Aika Itiaki. Ngkai ai akea aia tabo ae a na maeka iai. A titirakina te Burabeti Iotebwa bwa tera ae a riai ni karaoia.

Reirei ao Berita aika Tabu 54; Saints, 1:127

E taku te Uea bwa Aika Itiaki aikai a riai n nako Missouri ao ni katea Tion. E na riki Tion bwa te kaawa are a kona ni ikotaki iai ana aomata te Uea. I Tion, a na katea te tembora are a kona iai ni karaoi berita aika tabu, ke berita ma te Atua. E na kakabwaiaia ngkana a kawakin berita aika a tabu aikai. A ingainga ana utu Knights ni kan mwaing.

Reirei ao Berita aika Tabu 29:1–8; 42:30–36; 45:59–66; 54:6–9; 57:1–2; Saints, 1:128

Ngke a mwananga ana utu Knights nako Missouri, e a rang n aoraki Polly. Kainnabana, Joseph, ao natiia mwaane a raraoma bwa e na aki rang abwabwaki maiuna. Ma Polly e tuangiia ana utu bwa e tangiria n roko i Tion imwain ae e mate. Anne ae e rang tangiria riki nakon bwaai nako!

Saints, 1:128

Imwiin te mwananga ae abwabwaki, a roko ana utu Knights i Missouri. E rang kakaitau Polly nakon te Uea ngkai e a tia ni maiu n nooria. A iangoia te utu ae te Knights bwa e rang tikiraoi te aba. Iai aia onimaki bwa a kona ni kawakin ana tua te Uea ni katea Tion ikekei.

Saints, 1:132

A taekina te tataro ae onoti Aika Itiaki ao a arana te aba bwa Tion, te tabo are ana aomata te Uea a na roko iai. Te Burabeti Iotebwa e katuka te atibu ni mwakeni koonan te tembora ake a na tei iai. E mate Polly tabeua te bong i mwiina. E berita te Uea bwa Aika Itiaki ake a nako Tion ao a mate a na motirawa i karawa.

Reirei ao Berita aika Tabu 59:1–2; Saints, 1:132–33