“Te Bong ni Kamaiu,” Karaki man Reirei ao Berita aika Tabu (2024)
“Te Bong ni Kamaiu,” Karaki man Reirei ao Berita aika Tabu
Eberi–Turai 1839
Te Bong ni Kamaiu
Kakabwaia te aoraki ni mwaakan te Atua
Ngke a riki bwa buure Iotebwa Timiti ao taan kairiiri ake tabeman i Missouri, tabeman taan tararua a kairiia nakon te karabuuti ae kaokoro. Taan kawakiniia buure a nanoanga nakoia buure. Te tairiki teuana, te mataniwi n tia tararua e tuanga Iotebwa bwa e na matu, ao ngkana Iotebwa ao raoraona a birinako, e aki kona n totokoia.
Saints, 1:392–93
Iotebwa ao taan kairiiri ake tabeman a birinako. A kuneia aia utu ni maeka n te kaawa ae aranaki bwa Quincy.
Saints, 1:395–96
Kain Quincy a akoia Aika Itiaki. A anganiia Aika Itiaki amwarake ao kunnikai ao aia tabo are ana maeka iai.
Saints, 1:377
A kakaitau Aika Itiaki ibukin aia akoi kain Quincy. Ma Iotebwa e ataia bwa a na bon kainnanoa oin aia tabo are a na maeka iai. Taan kairiiri n te Ekaretia a kabooi aba ake akea ae tangiria, ao a waaki kain te aro ni mwaing nako ikekei.
Saints, 1:399–400
Te aba e uakaan ma te karaanga ae bubura. E aomwaimwai man bokaboka ao e onrake n te maninnara. Maninnara a kaorakiia kain te aro aika mwaiti n te aoraki ae aranaki bwa te maraeria. Tabeman ibuakoia a mate.
Saints, 1:402
Ngke e nooria Iotebwa bwa a mwaiti aomata aika a aoraki, e ikotiia taan kairiiri n te Ekaretia ao e tuangiia bwa a na airi ma ngaia. A kabanea te ingabong ni kawariia te utu teuana imwiin teuana, ni kawariia aoraki ao a kakabwaiaia. A kabongana mwaakan Iesu Kristo ni kamarurungiia man aorakiia.
Saints, 1:402
Te aomata temanna are a kawaria bon Elijah Fordham. E bon rang aoraki teuaei, kainnabana e taku bwa e nang waekoa ni mate. Iotebwa e titirakina Elijah ngkana iai ana onimaki ni kamarurungaki.
Saints, 1:402
E taku Elijah, “I karautaeka bwa e a oimwi.” E titirakina Elijah Iotebwa ngkana e kakoaua Iesu Kristo. “I kakoaua, te Tari Iotebwa,” e kaeka.
Saints, 1:402
E kakabwaia Iotebwa n aran Iesu Kristo. E teirake Elijah. E a tia ni kamarurunga Iesu! Imwiina e rimwiin Iotebwa Eria nakon te auti are imwiina ao e buokia ni kakabwaiaia aomata ake tabeman ake a aoraki.
Saints, 1:402–3