Kabwarabwaraana

Rongorongon Reirei ao Berita aika Tabu

E a manga taetae riki te Uea

Tamara are i Karawa e tangiriira. E tangiriira bwa ti na karaoi berita aika tabu, ke berita, ma Ngaia bwa E aonga ni kakabwaiaira. E kanakoa Natina, Iesu Kristo, bwa ara Tia Kamaiu ao ni buokiira bwa ti na oki Nakoina.

E kanakoia naba burabeti te Atua n reireiniira taekan Iesu Kristo ao Ana tua. A beku burabeti ibukin Iesu Kristo ao ni buoka kairan Ana Ekaretia.

E tuangiia burabeti Iesu bwa tera ae a na reireiniira. Aia taeka burabeti man taai ake rimoa a koreaki inanon booki aika tabu n aron te Baibara ao Ana Boki Moomon.

Inanon ririki aika mwaiti imwin maekan Iesu iaon te aba, ao bon akea burabeti. Aomata aikoa karaoi ao ni kawakin aia berita ma te Atua. Ana Ekaretia Iesu Kristo ai akea iaon te aonaaba.

Ma imwina te Atua E wetea Iotebwa Timiti bwa e na riki bwa te burabeti. Bon te kairake n ataeinimwaane Iotebwa, ma iai te bwai ae moan te kakawaki iroun te Atua ae e na karaoia.

E reirei Iotebwa Timiti iaon Iesu. E buoka barongaakin Ana Ekaretia Iesu. Iesu E reireina Iotebwa Timiti Ana euangkerio ao arona ni kaira Ana Ekaretia.

A mwaiti bwaai ake e tuangaki Iotebwa Timiti iroun Iesu aika a koreaki inanon Reirei ao Berita aika Tabu. Reirei ao Berita aika Tabu bon te boki iaon koroboki aika tabu n aron te baibara ao Ana Boki Moomon.

Karaki man Reirei ao Berita aika Tabu e kaotia bwa e kanga Iesu ni manga uota, ke ni kaoka, Ana Ekaretia, ma ana ibuobuoki te burabeti Iotebwa Timiti ao aomata tabeman. Kaain te Ekaretia a aranaki bwa Aika Itiaki. Karaki aikai a kaotia bwa te Atua e tangiriia Natina ni kabane ni kabutaa te aonaaba. E tangiria ni kakabwaiaira ngkai ti karaoi berita aika tabu ma Ngaia.