![]()
រូបភាព
standing in front of temple doors
ប្រធាន ហាវើដ ដបុលយូ ហឹនធើរ ( ១៩០៧–៩៥ ) បានមានប្រសាសន៍ថា « សូមឲ្យយើងធ្វើជាមនុស្សដែលចូលរួម និងស្រឡាញ់ព្រះវិហារបរិសុទ្ធ ។ យើងគួរតែពន្លឿនការទៅព្រះវិហារបរិសុទ្ធឲ្យបានញឹកញាប់ … តាមដែលពេលវេលាផ្ទាល់ខ្លួនអំណោយផល ។ យើងពុំគួរគ្រាន់តែទៅទីនោះសម្រាប់តែសាច់ញាតិយើងដែលបានចែកឋានទៅប៉ុណ្ណោះទេ ប៉ុន្តែយើងទៅដើម្បីទទួលពរជ័យផ្ទាល់ខ្លួននៃការថ្វាយបង្គំក្នុងព្រះវិហារបរិសុទ្ធសម្រាប់ភាពបរិសុទ្ធ និង សុវត្ថិភាពដែលមាននៅក្នុងព្រះវិហារបរិសុទ្ធ » ( « A Temple-Motivated People » Ensign, ខែ កុម្ភៈ ឆ្នាំ ១៩៩៥ ទំព័រ ៥ ) ។
ការទូន្មាននេះអនុវត្តចំពោះសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយទាំងអស់ —សម្បីអ្នកជាសមាជិកដែលទើបជ្រមុជទឹកថ្មីៗនេះក្តី ។ ដរាបណាអ្នកមានភាពសក្តិសម នោះគ្មានរយៈពេលរង់ចាំឡើយ ពីមុនអ្នកអាចចូលទៅព្រះវិហារបរិសុទ្ធនោះ ។ ដរាបណាអ្នកបានជ្រមុជទឹក ហើយបញ្ជាក់ នោះអ្នកអាចទទួលបានប័ណ្ណចូលព្រះវិហារបរិសុទ្ធដែលមានកំណត់ការប្រើប្រាស់ ។
ប័ណ្ណនេះអនុញ្ញាតឲ្យអ្នកចូលទៅក្នុងព្រះវិហារបរិសុទ្ធ ដើម្បីធ្វើពិធីបុណ្យជ្រមុជទឹក និងពិធីបញ្ជាក់ជំនួសសម្រាប់ជីដូនជីតាដែលបានទទួលមរណភាពហើយ ។ ពេលអ្នកបម្រើ និងថ្វាយបង្គំនៅក្នុងព្រះវិហារបរិសុទ្ធ នោះអ្នកអាចពង្រឹងទីបន្ទាល់របស់អ្នកអំពីដំណឹងល្អ ។
នៅក្នុងបទពិសោធន៍លើកដំបូងរបស់នាងនៅក្នុងព្រះវិហារបរិសុទ្ធ ណាតាលៀ ឡូរែណា ហ្វីហ្គើរោ មកពីប្រទេសអាហ្សង់ទីន បាននិយាយថា « នៅក្នុងពិធីបុណ្យជ្រមុជទឹកក្នុងព្រះវិហារបរិសុទ្ធ ខ្ញុំបានមើលបងប្រុសម្នាក់ទទួលបុណ្យជ្រមុជទឹកជំនួសឲ្យលោកតា និងឪពុកមារបស់ខ្ញុំ ។ ក្រោយមក ខ្ញុំបានទទួលបុណ្យជ្រមុជទឹកឲ្យលោកយាយ និងមីងៗរបស់ខ្ញុំ ។ ខ្ញុំទទួលអារម្មណ៍នៃអំណរយ៉ាងខ្លាំង ។ ខ្ញុំបានយំ ហើយខ្ញុំទទួលអារម្មណ៍ខ្មួលខ្មាញ់ក្នុងចិត្តខ្ញុំ ដែលពុំធ្លាប់មានពីមុនឡើយ » ។ ពរជ័យស្រដៀងគ្នានេះកើតមានដល់អស់អ្នកដែលសក្តិសមនឹងទទួលវា ព្រមទាំងអស់អ្នកដែលប្រើប្រាស់ប័ណ្ណចូលព្រះវិហារបរិសុទ្ធដែលមានកំណត់ការប្រើប្រាស់ ។