តើព្រះវិញ្ញាណបរិសុទ្ធអាចជួយខ្ញុំតាមរបៀបណា ?

ដោយអែលឌើរ រ៉ូបឺត ឌី ហែល

ក្នុងកូរ៉ុមនៃពួកសាវកដប់ពីរនាក់

រូបភាព

រ៉ូបឺត ឌី ហែល

ដកស្រង់ចេញពី « The Holy Ghost » Liahona, ខែ ឧសភា ឆ្នាំ ២០១៦ ទំព័រ ១០៥–១០៧ ។

ព្រះវិញ្ញាណបរិសុទ្ធជាសមាជិកទីបីនៃក្រុមព្រះ ។ ទ្រង់ថ្លែងទីបន្ទាល់អំពីព្រះវរបិតាសួគ៌ និងព្រះយេស៊ូវគ្រីស្ទ ។

ទ្រង់បង្រៀនយើង ។ ទ្រង់ប្រទានក្តីសង្ឃឹមដល់យើង ។ ទ្រង់ជួយយើងឲ្យធ្វើល្អ ។

ទ្រង់ប្រទានអំណោយទានខាងវិញ្ញាណដល់យើង ។ ទ្រង់ប្រទានចំណេះដឹង ហើយជួយយើងឲ្យចងចាំពីរឿងសំខាន់ៗ ។

ទ្រង់ជួយយើងឲ្យជ្រះស្អាតពីអំពើបាប ។ ទ្រង់លួងលោមយើង ។

ព្រះវិញ្ញាណបរិសុទ្ធក៏ជួយយើងឲ្យធ្វើការជ្រើសរើសដ៏សំខាន់នានា ។

ទ្រង់មានបន្ទូលមកក្នុងគំនិត និងដួងចិត្តយើងដោយទន់ភ្លន់ ។ យើងម្នាក់ៗអាចស្តាប់ឮទ្រង់តាមរបៀបផ្សេងៗគ្នា ។