Spurningar og svör

„Hvernig get ég öðlast sterkari vitnisburð um Joseph Smith og endurreisnina?“

„Og þegar þér meðtakið þetta, þá hvet ég yður að spyrja Guð, hinn eilífa föður, í nafni Krists, hvort þetta er ekki sannleikur. Og ef þér spyrjið í hjartans einlægni, með einbeittum huga og í trú á Krist, mun hann opinbera yður sannleiksgildi þess fyrir kraft heilags anda.

Og fyrir kraft heilags anda getið þér fengið að vita sannleiksgildi allra hluta.“

Moróní 10:4–5

„Nokkuð sem ég hef gert til að styrkja vitnisburð minn um endurreisnina er að lesa frásögnina um Fyrstu sýnina á hverju kvöldi fyrir svefn. Þegar ég les um Joseph að frelsast og standa í návist Guðs, finnst mér ég vera nær ljósi Guðs og það hjálpar mér að vita að hann er þar.“

Eve T., 16 ára, Chorley, Bretlandi

„Þegar ég gerði mér grein fyrir því að ég ætti ekki vitnisburð um Joseph Smith, tók ég að lesa Heilagir. Mér varð ljóst hve máttug og undursamleg reynsla Josephs var. Ég fann líka fyrir andanum þegar ég baðst fyrir varðandi Mormónsbók. Ég hóf að hjálpa trúboðunum og nú get ég ekki hætt að bera fólki vitni um Joseph Smith og endurreisnina.“

Abish N., 18 ára, Negros Oriental, Filippseyjum

„Spámaðurinn sagði okkur að kynna okkur líf Krists til að hjálpa okkur að öðlast vitnisburð um hann og friðþægingu hans. Það er svipað og með Joseph Smith. Þegar ég læri um líf hans, get ég öðlast sterkari vitnisburð um endurreisnina og um Joseph sem fyrsta spámann ráðstöfunar okkar. Ég hef líka betri skilning á því hvers vegna endurreisa þurfti kirkju Jesú Krists.“

Asher W., 17, Louisiana, Bandaríkjunum

„Gerið það sem Joseph gerði og spyrjið Guð! Verið þolinmóð, svarið mun koma.“

Anna W., 17 ára, Colorado, Bandaríkjunum

„Bænin er einfaldasta leiðin til að öðlast vitnisburð um Joseph Smith og endurreisnina. Drottinn hefur svarað mér og mörgum öðrum þessari bæn – hann mun gera það sama fyrir ykkur. Lesið einnig áhrifamikinn vitnisburð vitnanna í Mormónsbók.“

Andrew N., 18, Washington, Bandaríkjunum

Svörin eru til hjálpar og til að fá yfirsýn, en eru ekki opinberar yfirlýsingar um kenningar kirkjunnar.

Hvað finnst ykkur?

„Hvernig get ég best miðlað öðrum ‚ávexti‘ fagnaðarerindisins, svo þau sjái hve mikilvægt þetta er mér?“

Sendið svar ykkar og mynd fyrir 15. febrúar 2025.

Sendið okkur netpóst á [e-mail]. Farið á ftsoy.ChurchofJesusChrist.org og smellið á „Submit Your Work“. Skráið ykkur inn með kirkjuaðgangi ykkar og veljið „For the Strength of Youth“ undir „Choose Magazine“. Smellið á „Add File“ til að velja skrá og mynd og smellið svo á „Submit“ til þess að hlaða þeim upp og senda okkur.

Svartexti kann að verða styttur eða lagaður til.