Unaweza Kuleta Utofauti

Na Rais Susan H. Porter

Rais Mkuu wa Msingi

Picha

Susan H. Porter

Kutoka kwenye mahojiano na Olivia Kitterman na Rachel Peterson.

Baba wa Mbinguni na Yesu Kristo wanakupenda sana. Kwa sababu Wanakupenda, wamekualika ufanye Nao maagano au ahadi. Unaanza kuweka ahadi hizo wakati unapobatizwa.

Baada ya ubatizo wako, unapokea kipawa cha Roho Mtakatifu. Unakuwa muumini wa Kanisa la Yesu Kristo la Watakatifu wa Siku za Mwisho. Hiyo humaanisha Baba wa Mbinguni anakuamini wewe kutii maagano yako.

Ni kipi unaweza kufanya kama muumini kamili wa Kanisa ili kutunza maagano yako? Unaweza kuwakaribisha wengine kwenye darasa la Msingi. Unaweza kuketi kando ya mgeni na kuwasaidia wajifunze nyimbo. Unaweza kusaidia kwenye shughuli za Msingi. Unaweza pia kuwa kiongozi katika familia yako. Unaweza kuomba muwe na sala ya familia au kushiriki kile ulichojifunza katika darasa la Msingi.

Baada ya kupokea Roho Mtakatifu, unaweza kuyaona mahitaji ya wengine katika namna mpya. Unaweza kusali kwa Baba wa Mbinguni na kusema, “Nisaidie nijue nani ninaweza kumsaidia leo.” Kisha Roho Mtakatifu anaweza kukusaidia umtambue mtu aliyeketi peke yake au kukuambia umjulie hali rafiki. Unaleta tofauti kubwa wakati unapochagua kuwasaidia wengine. Unatenda kama muumini wa Kanisa la Baba wa Mbinguni!

Baba wa Mbinguni anakupenda. Anakutaka uongoze kwa mfano popote unapoenda ili uweze kuwaleta wengine karibu Naye. Lakini hupaswi kufanya hilo peke yako. Baba wa Mbinguni na Yesu Kristo kamwe hawataacha kukusaidia. Unaweza kuhisi ujasiri kwa sababu unajua Wapo pamoja nawe. Unaweza kumfikiria Yesu Kristo daima amesimama kando yako.