Mose 7

Mataupu 7

(Tesema 1830)

Ua aoao atu Enoka, ma taitai le nuu, ma aveese mauga—Ua faatu le aai o Siona—Ua muaivaaia e Enoka le afio mai o le Atalii o le Tagata, lana taulaga togiola, ma le toetutu mai o le Au Paia—Ua muaivaaia e ia i le Toefuataiga, le Faapotopotoina, le Afio Mai Faalua, ma le toe foi mai o Siona.

1 Ma sa oo ina faaauau e Enoka lana lauga, ua fai atu: Faauta, sa aoao mai e lo tatou tamā o Atamu nei mea, ma e toatele sa talitonu ma ua avea ma aatalii o le Atua, ma e toatele sa lē talitonu, ma ua fano ia latou agasala, ma o loo tulimataʼi i luma ma le emataʼu, i le mafatiga, mo le toasa aasa o le toatamaʼi o le Atua e sasaa mai i luga o i latou.

2 Ma mai le taimi lena i luma na amata ai ona vavalo atu o Enoka, ua fai atu i tagata, e faapea: Aʼo ou malaga, ma tu i luga o le nofoaga o Mausa, ma tagi atu i le Alii, sa oo mai ai se siufofoga mai le lagi, ua fetalai mai—Ia e liliu, ma ia e alu i luga o le mauga o Simeona.

3 Ma sa oo ina sa ou liliu ma alu aʼe i luga o le mauga; ma aʼo ou tu i luga o le mauga, sa ou vaai atu ua avanoa le lagi, ma sa faaofuina aʼu i le amamalu;

4 Ma sa ou vaai i le Alii; ma sa tu mai o ia i luma o oʼu mata, ma sa talanoa o ia ma aʼu, e pei ona talanoa se tagata ma se isi, afaafesagai lava; ma sa fetalai mai o ia ia te aʼu: eVaai, ma o le a Ou faaali atu ia te oe le lalolagi i le va o augatupulaga e tele.

5 Ma sa oo ina ou vaaia le vanu o Suma, ma faauta, o se nuu tele sa nonofo i faleie, le nuu lea o Suma.

6 Ma sa toe fetalai mai le Alii ia te aʼu: Vaai; ma sa ou vaai agai i matu, ma sa ou vaaia le nuu o Kanana, o e sa nonofo i faleie.

7 Ma sa fetalai mai le Alii ia te aʼu: Vavalo atu; ma sa ou vavalo, ua fai atu: Faauta o le nuu o Kanana, o e ua toatele, o le a o atu e pae tau e faasaga i le nuu o Suma, ma o le a latou fasioti ia i latou ina ia faaumatia atoa ai i latou; ma o le a vaevae e le nuu o Kanana i latou lava i le laueleele, ma o le a lafulafua le laueleele ma lē fua mai, ma o le a leai se isi nuu e nonofo iina ae nao le nuu o Kanana;

8 Aua faauta, o le a fetuu e le Alii le laueleele i le vevela tele, ma o lona lafulafua o le a au e faavavau; ma sa i ai se afaauliuli na oo mai i luga o le fanauga uma a Kanana, sa inosia ai i latou i totonu o tagata uma.

9 Ma sa oo ina fetalai mai le Alii ia te aʼu: Vaai; ma sa ou vaai, ma sa ou iloa atu le laueleele o Sarona, ma le laueleele o Enoka, ma le laueleele o Ominara, ma le laueleele o Heni, ma le laueleele o Semu, ma le laueleele o Hana, ma le laueleele o Hananaia, ma e uma o nonofo ai;

10 Ma sa fetalai mai le Alii ia te aʼu: Alu atu i lenei nuu, ma fai atu ia te i latou—Ia asalamo, neʼi Ou alu atu ma taia i latou i se fetuu, ma latou feoti ai.

11 Ma sa ia tuu mai ia te aʼu se poloaiga e tatau ona ou apapatiso atu i le suafa o le Tamā, ma le Alo, o lē ua tumu i le ealofa tunoa ma le upumoni, ma le iAgaga Paia, o lē e molimau e uiga i le Tamā ma le Alo.

12 Ma sa oo ina faaauau ona valaau atu o Enoka i tagata uma, vagana ai le nuu o Kanana, ia salamo;

13 Ma sa faapea ona matua tele lava le afaatuatua o Enoka sa ia taitaia ai le nuu o le Atua, ma sa o mai o latou fili e tau faasaga mai ia te i latou; ma sa ia fetalai atu le afioga a le Alii, ma sa gatete le laueleele, ma sosola ese emauga, e tusa ma lana faatonu atu; ma sa liliu ese ivaitafe mai i o latou alatafe; ma sa faalogoina le tagi a leona mai le vao; ma sa matataʼu tele atunuu uma, ona o le omamana tele o le upu a Enoka, ma ona o le matua tele o le mana o le gagana na tuu mai e le Atua ia te ia.

14 Sa alu aʼe foi i luga se laueleele mai le mea loloto o le sami, ma sa faapea ona matua tele lava le mataʼu o fili o le nuu o le Atua, sa oo ina latou sosola ma tutu mamao ese ma o atu i luga o le laueleele na alu aʼe mai le mea loloto o le sami.

15 Ma atagata tino ese o le laueleele, sa tutu mamao ese foi; ma sa alu atu se fetuu i luga o tagata uma sa faasaga tau i le Atua;

16 Ma sa i ai mai le taimi lena i luma taua ma le faamasaatoto i totonu o i latou; ae sa afio mai le Alii ma mau faatasi ma lona nuu, ma sa latou mau i le amiotonu.

17 Sa i luga o atunuu uma le amataʼu i le Alii, ona sa matua tele lava le mamalu o le Alii, sa i luga o lona nuu. Ma sa efaamanuia e le Alii le laueleele, ma sa faamanuiaina i latou i luga o mauga, ma i luga o mea maualuluga, ma sa olaola.

18 Ma sa taʼua e le Alii lona nuu o aSiona, ona sa etasi o latou loto ma tasi le mafaufau, ma sa mau i le amiotonu; ma sa leai se mativa i totonu o i latou.

19 Ma sa faaauau e Enoka lana talaiga i le amiotonu i le nuu o le Atua. Ma sa oo i ona aso, sa fausia e ia se aai sa taʼua o le Aai Paia, o Siona lava.

20 Ma sa oo ina talatala Enoka faatasi ma le Alii; ma sa fai atu o ia i le Alii: E moni lava o le a mau aSiona i le saogalemu e faavavau. Ae sa fetalai mai le Alii ia Enoka: Ua Ou faamanuiaina Siona, ae o le vaega o totoe o tagata ua Ou fetuuina.

21 Ma sa oo ina faaali mai e le Alii ia Enoka tagata uma e nonofo i le lalolagi; ma sa vaai atu o ia, ma faauta, o Siona, i le aluga o le taimi, ua aaveina aʼe i le lagi. Ma sa fetalai mai le Alii ia Enoka: Faauta i loʼu nofoaga e faavavau.

22 Ma sa vaai foi Enoka i le vaega na totoe o tagata o e o atalii o Atamu; ma o i latou o se fefiloi o fanau uma a Atamu vagana ai le fanau a Kaino, ona o fanau a Kaino sa auli, ma sa leai se nofoaga i totonu o i latou.

23 Ma ina ua mavae ona aveina aʼe o Siona i le alagi, sa evaai atu Enoka, ma faauta, ua i ona luma iatunuu uma o le lalolagi;

24 Ma sa o mai lea tupulaga ma lea tupulaga; ma sa maualuga Enoka ma asiitia aʼe, i le loto lava o le Tamā, ma le Atalii o le Tagata; ma faauta, sa i luga o le lalolagi atoa le mana o Satani.

25 Ma sa vaai o ia i agelu ua afifio ifo mai le lagi; ma sa ia faalogoina se siufofoga leo tele ua fetalai mai: Oi talofa, oi talofa i e o nonofo i le lalolagi.

26 Ma sa vaai o ia ia Satani; ma sa i ai ia te ia se afilifili tele i lona lima, ma sa ufitia ai luga o le lalolagi atoa i le epouliuli; ma sa tepa aʼe o ia ma ʼata, ma sa olioli ana iagelu.

27 Ma sa vaaia e Enoka aagelu ua afifio ifo mai le lagi, ua emolimau atu e uiga i le Tamā ma le Alo; ma sa paʼū ifo le Agaga Paia i luga o le toatele, ma sa segia aʼe i latou i luga i Siona e mana o le lagi.

28 Ma sa oo ina silasila ifo le Atua o le lagi i luga o e na totoe o le nuu, ma sa tutulu o ia; ma sa molimauina e Enoka lea mea, ua fai mai: Pe ua faapefea ea ona tutulu o le lagi, ma faamaligi ifo o latou loifofoga e pei o uaga i luga o mauga?

29 Ma sa fai atu Enoka i le Alii: Pe ua mafai faapefea ona e atutulu, ona ua vaai ua e paia, ma ua mai le faavavau atoa i le faavavau atoa?

30 Ma a na mafai e le tagata ona faitau fasimea o le lalolagi, ioe, le miliona o alalolagi e pei o lenei, e lē mafai ona avea o se amataga i le aofai o au efoafoaga; ae ua toso atu pea ou ie pupuni; ma peitai o loo i ai oe iina, ma ua i ai iina lou loto; ma ua e fai mea tonu foi; ua e alofa mutimutivale ma agalelei e faavavau;

31 Ma ua e avea Siona i lou lava loto, mai au foafoaga uma, e mai le faavavau atoa i le faavavau atoa; ma ua leai se mea ae ua nao le afilemu, efaamasinotonu, ma le iupumoni le afioaga o lou nofoaalii; ma o le a alu atu le alofamutimutivale i luma o ou fofoga ma e leai se gataaga; pe ua mafai faapefea ona e tutulu?

32 Sa fetalai mai le Alii ia Enoka: Faauta ia i latou nei o ou uso; o i latou o galuega a oʼu lava alima, ma sa Ou tuu atu ia te i latou lo latou emalamalama, i le aso na Ou foafoa ai i latou; ma sa Ou tuu atu i le tagata i le Faatoaga o Etena, lona ifaitalia;

33 Ma sa Ou fai atu i ou uso, ma tuu atu foi le poloaiga, e tatau ona latou aalolofa o le tasi i le isi, ma e tatau ona latou filifili aʼu, lo latou Tamā; ae faauta, ua latou aunoa ma le alofa, ma ua latou inoino i o latou lava toto;

34 Ma ua mumu aʼe le aafi o loʼu ita e faasaga ia te i latou; ma o le aasa o loʼu lē fiafia o le a Ou auina atu ai elolo i luga o i latou, ona ua mumu aʼe loʼu ita tele e faasaga ia te i latou.

35 Faauta, o Aʼu o le Atua; o le aTagata Paia o loʼu igoa lea; o le Tagata Fautua o loʼu igoa lea; ma o Lē Gata ma Faavavau o loʼu eigoa foi lea.

36 O le mea lea, e mafai ona faaloloa atu oʼu lima ma umia foafoaga uma ua Ou faia; ma e mafai foi ona ati ia te i latou oʼu amata; ma i totonu o galuega uma a oʼu lima sa leʼi i ai lava se eamioleaga tele e pei ona i ai i totonu o ou uso.

37 Ae faauta, o a latou agasala o le a i luga o ulu o o latou tamā; o le a avea Satani ma o latou tamā, ma o le a avea le pagatia ma o latou malaia; ma o le a tutulu le lagi atoa i luga o i latou, o le galuega atoa lava a oʼu lima; o le mea lea, pe ua lē tatau ea ona tutulu o le lagi, i le vaai atu o le a mafatia i latou nei?

38 Ae faauta, o i latou ia o loo silasila atu i ai i luga ou fofoga o le a fano i lolo; ma faauta, o le a Ou tapunia i latou; ua Ou saunia se afalepuipui mo i latou.

39 Ma o ia o a ua Ou filifilia ua aioi mai i luma o oʼu mata. O le mea lea, ua mafatia o ia mo a latou agasala; i le tulaga e oo i ai le latou salamo i le aso e foi mai ai laʼu eFilifilia ia te aʼu, ma seia oo mai lena aso, o le a latou i ai i imafatiga;

40 O le mea lea, ona o lenei mea o le a tutulu ai le lagi, ioe, ma galuega uma a oʼu lima.

41 Ma sa oo ina fetalai mai le Alii ia Enoka, ma taʼu mai ia Enoka mea uma ua faia e le fanauga a tagata; o le mea lea na iloa ai e Enoka, ma sa vaai atu i lo latou amioleaga, ma lo latou pagatia, ma ua tagi ma faaloloa atu ona lima, ma sa malena lautele lona aloto e pei o le faavavau, ma mutimutivale ona loto; ma sa luluina le faavavau atoa.

42 Ma sa vaai foi Enoka ia aNoa, ma lona eaiga; e faapea o le a laveaiina fanau a atalii uma o Noa i se olataga faaletino;

43 O le mea lea na vaai ai Enoka sa fausia e Noa se avaa; ma sa fiafia le Alii i le vaa, ma umia i lona lava aao; ae o e na totoe o e na amioleaga na oo mai i ai lolo ma tofatumoanaina i latou.

44 Ma aʼo vaai atu Enoka i lenei mea, sa ia te ia le faanoanoa o le agaga, ma tagi e uiga i ona uso, ma fai atu i le lagi: O le a ou amusu e faamafanafanaina; ae na fetalai mai le Alii ia Enoka: Ia sii aʼe lou loto, ma fiafia; ma vaai.

45 Ma sa oo ina vaai atu Enoka; ma sa vaaia e ia aiga uma o le lalolagi mai ia Noa; ma sa tagi atu o ia i le Alii, ua fai atu: O afea e oo mai ai le aso o le Alii? O afea e faamaligi ai le toto o le Amiotonu ina ia mafai ona afaapaiaina ma maua le ola e faavavau e i latou uma o e e faanoanoa?

46 Ma sa fetalai mai le Alii: O le a i le ameritiana o taimi, i aso o le amioleaga ma le tauimasui.

47 Ma faauta, sa vaai Enoka i le aso o le afio mai o le Atalii o le Tagata, i le tino lava; ma sa olioli lona agaga, ua fai mai: Ua sii i luga le Amiotonu, ma ua fasia le aTamai Mamoe mai le faavaega o le lalolagi; ma ua ou i ai i le loto o le Tamā e ala i le faatuatua, ma faauta, ua faatasi eSiona ma aʼu.

48 Ma sa oo ina vaai atu Enoka i luga o le alalolagi; ma sa ia faalogoina se leo mai ona alo, ua fai mai: Oi talofa, oi talofa ia te aʼu, le tinā o tagata; ua ou tiga, ua ou vaivai, ona o le amioleaga o laʼu fanau. O afea ea ou te emapu ai, ma faamamaina mai le ieleelea ua alu atu i fafo mai ia te aʼu? O afea ea e faapaiaina ai aʼu e loʼu Foafoa, ina ia ou mapu, ma mau i oʼu luga i se tau le amiotonu?

49 Ma ina ua faalogo atu Enoka i le faanoanoa o le lalolagi, sa tutulu o ia, ma tagi atu i le Alii, ua fai atu: Le Alii e, pe e te lē agaalofa ea i le lalolagi? Pe e te lē faamanuiaina ea le fanau a Noa?

50 Ma sa oo ina faaauau e Enoka lana tagi atu i le Alii, ua fai atu: Ou te ole atu ia te oe, Le Alii e, i le suafa o lau Toatasi na Fanaua, o Iesu Keriso lava, ia e alofa mutimutivale ia Noa ma lana fanau, ina ia lē toe ufitia le lalolagi i lolo.

51 Ma sa lē mafai e le Alii ona taofia; ma sa osifeagaiga o ia ma Enoka, ma tauto mai ia te ia i se tautoga, o le a ia taofi alolo; o le a ia valaau atu i fanau a Noa;

52 Ma sa ia auina atu se poloai lē masuia, o le a i ai pea se atoe vaega o ana fanau o le a maua i atunuu uma, aʼo tu le lalolagi;

53 Ma sa fetalai mai le Alii: Amuia lava o ia o lē o le a ala mai i ana fanau le afio mai o le Mesia; ona ua fetalai mai o ia—o Aʼu o le aMesia, o le eTupu o Siona, o le iPapa o le Lagi, ua lautele e pei o le faavavau; ai se e sau i totonu i le faitotoa ma oʼaʼe mai i luga e ala ia te aʼu, e lē paʼū lava; o le mea lea, amuia lava i latou o e ua Ou fai atu ai, ona o le a latou o mai ma upese o le olioli e faavavau.

54 Ma sa oo ina tagi atu Enoka i le Alii, ua fai atu: A afio mai le Atalii o le Tagata i le tino, e mapu ea le lalolagi? Ou te talosaga atu ia te oe, faaali mai ia te aʼu ia mea.

55 Ma sa fetalai mai le Alii ia Enoka: Vaai, ma sa vaai o ia ma vaai atu i le aAtalii o le Tagata ua sii aʼe i luga o le esatauro, e tusa ma le tu a tagata;

56 Ma sa ia faalogoina se siufofoga leotele; ma sa tapunia le lagi; ma sa aue foafoaga uma a le Atua; ma sa aoi le lalolagi; ma sa mavaevae papa; ma sa etutulai mai le au paia, ma sa ifaapaleina i le oaao taumatau o le Atalii o le Tagata, i palealii o le mamalu;

57 Ma o le toatele o aagaga sa i ai i le efalepuipui sa o mai, ma laulaututu i le aao taumatau o le Atua; aʼo le vaega na totoe sa faapolopolo i filifili o le pouliuli seia oo i le faamasinoga o le aso tele.

58 Ma sa toe tutulu Enoka ma tagi atu i le Alii, ua fai atu: O afea ea e mapu ai le lalolagi?

59 Ma sa vaaia e Enoka le Atalii o le Tagata ua afio aʼe i le Tamā; ma sa valaau atu o ia i le Alii, ua fai atu: Pe e te lē toe afio mai ea i le lalolagi? Talu ai ona o oe o le Atua, ma ua ou iloa oe, ma sa e tauto mai ia te aʼu, ma poloaiina aʼu ia ou ole atu i le suafa o lau Toatasi na Fanaua; na e faia aʼu, ma tuu mai ia te aʼu se aiā i lou nofoalii, ma e lē ona o aʼu lava, ae e ala i lou lava alofa tunoa; o le mea lea, ou te fesili atu ai ia te oe pe e te lē toe afio mai i le lalolagi.

60 Ma sa fetalai mai le Alii ia Enoka: E pei ona Ou ola, o le a faapea lava ona Ou alu atu i aaso e gata ai, i aso o le amioleaga ma le tauimasui, e faataunuu le tautoga na Ou faia ia te oe e uiga i le fanau a Noa;

61 Ma o le a oo mai le aso o le a amapu ai le lalolagi, peitai ae lei oo mai lena aso o le a efaapouliuligia le lagi, ma o le a ufitia le lalolagi i se iveli o le pogisa; ma o le a luluina le lagi, ma le lalolagi foi; ma o le a i ai puapuaga e tele i totonu o le fanauga a tagata, ae o loʼu nuu o le a Ou ofaasaoina;

62 Ma o le a Ou auina atu i lalo mai le lagi le aamiotonu; ma o le a Ou auina atu le eupumoni i fafo mai le ieleele, e omolimau atu i laʼu Toatasi na Fanaua; lona utoetu mai le maliu; ioe, ma le toetutu mai foi o tagata uma; ma o le a Ou faia ia tafi le lalolagi i le amiotonu ma le upumoni e pei o se lolo, e ffaapotopoto mai i fafo laʼu au filifilia mai itu e fa o le lalolagi, i se nofoaga o le a Ou saunia, o se Aai Paia, ina ia mafai e loʼu nuu ona fusia i o latou sulugatiti, ma tulimatai i le taimi o loʼu alu atu; ona o iina o le a i ai loʼu fale fetafai, ma o le a taʼua ai o Siona, o se gIerusalema Fou.

63 Ma sa fetalai mai le Alii ia Enoka: Ona feiloaʼi ai lea o oe ma lou aaai atoa ma i latou iina, ma o le a tatou talia i latou i o tatou loto, ma o le a latou vaai mai ia te i tatou; ma o le a tatou fusi i o latou ua, ma o le a latou fusi foi i o tatou ua, ma o le a tatou sogi foi le tasi i le isi;

64 Ma o le a iina loʼu nofoaga, ma o le a avea ma Siona, lea o le a sau mai foafoaga uma ua Ou faia; ma o le a amapu le lalolagi i va o le eafe tausaga.

65 Ma sa oo ina vaai Enoka i le aso o le aafio mai o le Atalii o le Tagata, i aso e gata ai, e afio i luga o le lalolagi i le amiotonu i le va o le afe tausaga;

66 Peitai ae lei oo mai lena aso, sa vaai o ia i puapuaga tetele i totonu o e ua amioleaga; ma sa vaai foi o ia i le sami, ua loulouā, ma loto o tagata ua afaavaivai, ua tulimatai i luma ma le matataʼu i efaamasinoga a le Atua Malosi Aoao, o le a oo mai i luga o e ua amioleaga.

67 Ma sa faaali mai e le Alii ia Enoka mea uma, e oo lava i le gataaga o le lalolagi; ma sa vaai o ia i le aso o e ua amiotonu, le itula o lo latou togiolaina, ma maua se atoatoaga o le aolioli;

68 Ma o aso uma o aSiona, i aso o Enoka, e tolu selau onosefulu ma le lima tausaga.

69 Ma sa asavavali Enoka ma lona nuu atoa faatasi ma le Atua, ma sa afio o ia i le totonugalemu o Siona; ma sa oo ina lē toe i ai Siona, ona ua aveina aʼe i luga e le Atua i lona lava loto; ma mai i le taimi lena na alu atu ai upu, Ua sola Siona.