Mose 8

Mataupu 8

(Fepuari 1831)

Ua vavalo Metusela—Ua talai atu e Noa ma ona atalii le talalelei—Ua manumalo le amioleaga tele—Ua lē utagia le valaau atu ia salamo—Ua faatonu e le Atua le faaumatiaga o mea tino aano uma i le Lolo.

1 Ma o aso uma o Enoka e fa selau tolusefulu tausaga.

2 Ma sa oo ina lei avea aMetusela, le atalii o Enoka, ina ia mafai ona faataunuu o feagaiga a le Alii, na faia e ia ia Enoka; ona sa osifeagaiga moni lava o ia ma Enoka o le a avea Noa ma fua o ona sulugatiti.

3 Ma sa oo ina vavalo atu Metusela o le a tutupu mai i ona sulugatiti malo uma o le lalolagi (e ala ia Noa), ma sa ia ave le mamalu ia te ia lava.

4 Ma sa oo mai se oge tele i le laueleele, ma sa fetuu e le Alii le laueleele i se fetuu tiga, ma e toatele e sa nonofo ai na feoti ai.

5 Ma sa oo ina ola Metusela i tausaga e selau valusefulu ma le fitu, ma fanaua Lameko;

6 Ma sa ola Metusela, ina ua uma ona fanauina e ia Lameko, i tausaga e fitu selau valusefulu ma le lua, ma fanauina atalii ma afafine;

7 Ma o aso uma o Metusela e iva selau onosefulu ma le iva tausaga, ma sa maliu o ia.

8 Ma sa ola Lameko i tausaga e selau valusefulu ma le lua, ma fanauaina se atalii,

9 Ma sa faaigoa e ia o aNoa, ua fai mai: O le atalii lenei o le a faamafanafanaina i tatou e faatatau i la tatou galuega ma le tautiga o o tatou lima, ona o le eleele ua efetuuina e le Alii.

10 Ma sa ola Lameko, ina ua uma ona fanauina e ia Noa, i tausaga e lima selau ma le ivasefulu lima, ma fanauina atalii ma afafine;

11 Ma o aso uma o Lameko e fitu selau fitusefulu ma le fitu, ma sa maliu o ia.

12 Ma sa fa selau limasefulu tausaga o le matua o Noa, ma sa afanauina Iafeta; ma o le fasefulu ma le lua tausaga ina ua mavae lea, na fanauina ai e ia eSemu mai ia te ia o lē o le tinā o Iafeta, ma ina ua lima selau tausaga o lona matua sa fanauina e ia iHamo.

13 Ma sa afaalogo eNoa ma ona atalii i le Alii, ma uai atu, ma sa taʼua i latou o iatalii o le Atua.

14 Ma ina ua amata ona uluola nei alii i luga o le lalolagi, ma fananau mai afafine ia te i latou, sa vaai mai aatalii o tagata i ia afafine ua lalelei, ma sa latou ave i latou e fai ma ava, e pei lava ona latou filifili i ai.

15 Ma sa fetalai mai le Alii ia Noa: Ua afaatau atu e afafine o ou atalii i latou lava; aua faauta, ua mumu aʼe loʼu ita e faasaga i atalii o tagata, ona ua latou lē fia faalogo mai i loʼu leo.

16 Ma sa oo ina vavalo atu Noa, ma aoao atu mea a le Atua, e pei lava ona sa i ai i le amataga.

17 Ma sa fetalai mai le Alii ia Noa: O le a lē ataumafai pea loʼu Agaga i le tagata, ona o le a iloa e ia o le a oti etagata uma; e ui i lea o ona aso o le a selau luasefulu tausaga; ma afai e lē salamo tagata, o le a Ou auina atu ilolo i luga o i latou.

18 Ma i aso na sa i ai atagata tinoese i luga o le lalolagi, ma sa latou saili Noa e faaumatia lona ola; peitai sa faatasi le Alii ma Noa, ma sa i ona luga le emana o le Alii.

19 Ma sa afaauu e le Alii eNoa i lana lava ifaatulagaga, ma poloaiina o ia e tatau ona alu atu o ia ma ofolafola atu lana Talalelei i le fanauga a tagata, e pei lava ona tuuina atu ia Enoka.

20 Ma sa oo ina valaau atu Noa i le fanauga a tagata e tatau ona latou asalamo; peitai sa latou lē faalogo mai i ana upu;

21 O lenei foi, ina ua uma ona latou faalogo mai ia te ia, sa latou o mai i luma o ia, ua fai mai: Faauta, o i matou o atalii o le Atua; matou te lei avea ea ia te i matou afafine o tagata? Ma matou te lē o aaai ea ma feinu, ma faiava ma tuuina atu i le faaipoipoga? Ma ua fanauina e a matou ava mo matou ni fanau, ma o latou lava o ni tagata malolosi, ua faapei o alii anamua, o ni alii taʼutaʼua tele. Ma sa latou lē faalogo mai i upu a Noa.

22 Ma sa silasila mai le Atua ua faateteleina le aamioleaga o tagata i le lalolagi; ma ua faafefeteina i luga tagata taitoatasi i manatunatuga o emafaufauga o lona lava loto, ua nao le leaga e lē aunoa.

23 Ma sa oo ina faaauau pea e Noa lana atalaiga i le nuu, ua fai atu: Faalogo mai ia ma uai mai i aʼu upu;

24 Ia atalitonu ma salamo ia outou agasala ma epapatiso i le suafa o Iesu Keriso, le Alo o le Atua, e pei lava o o tatou tamā, ma o le a outou maua le Agaga Paia, ina ia mafai ona ifaaali mai o mea uma ia te outou; ma afai tou te lē faia lenei mea, o le a oo mai lolo i luga o outou; e ui i lea, sa latou lē faalogo.

25 Ma sa salamo Noa, ma sa tiga lona loto ona ua faia e le Alii le tagata i luga o le lalolagi, ma sa faanoanoa ai o ia i lona loto.

26 Ma sa fetalai mai le Alii: O le a Ou afaaumatia le tagata o lē na Ou faia, mai luga o le lalolagi, o tagata atoa ma manu vaefa, ma mea fetolofi ma manu felelei o le ea; ona ua salamo Noa ua Ou foafoaina i latou, ma ua Ou faia i latou; ma ua valaau mai o ia ia te aʼu; aua ua latou saili lona ola.

27 Ma sa faapea ona maua e Noa le aalofa tunoa i fofoga-silasila o le Alii; aua o Noa o se tagata sa amiotonu, ma eatoatoa i lana tupulaga; ma sa isavavali o ia faatasi ma le Atua, faapea foi ona atalii e toatolu, o Semu, Hamo, ma Iafeta.

28 Sa aeleelea le lalolagi i luma o le Atua, ma sa tumu i le faasaua.

29 Ma sa silasila mai le Atua i luga o le lalolagi, ma, faauta, ua eleelea, ona ua faaeleelea e tagata uma o latou ala i luga o le lalolagi.

30 Ma sa fetalai mai le Atua ia Noa: Ua oo mai le iuga o tagata uma i oʼu luma, ona ua tumu le lalolagi i le faasaua, ma faauta o le a Ou afaaumatia ese tagata uma mai le lalolagi.