Nhọta nile sitere n’Akwụkwọ nke Moses

1 Okwu nile nke Chineke, nke O ^akwuru nye ^bMoses n’oge ahụ mgbe e welitere Moses gaa n’elu nnukwu ugwu dị oke elu,

2 Ma o wee ^ahụ Chineke ^biru na iru, ya na ya ekwukọrịta okwu, ma ^cebube nke Chineke nọkwasịrị Moses, ya mere Moses nwere ike ^dịnagide iru ya.

3 Ma Chineke gwara Moses na-asị: Lee abụ m Onye-nwe Chineke ^aPụrụ Ime Ihe nile, ^bEnweghị ọgwụgwụ bụ aha m; n’ihi na enweghị m mmalite nke ụbọchị nile ma-ọbụ ngwụcha nke afọ nile, na nke a ọbụghị enweghị ọgwụgwụ?

4 Na, lee, gị onwe gị bụ nwa m nwoke, ya mere ^alee anya, ma aga m egosi gị ọrụ-aka nke ^baka m nile, mana ọ bụghị ha nile, n’ihi na ^cọrụ m nile enweghị ^dọgwụgwụ, na otu ahụ kwa ka ^eokwu m nile dị, n’ihi na ha anaghị akwụsị.

5 Ya mere, ọdịghị onye ga-ahụ ọrụ m nile, ma ọbụghị ma ọ hụrụ otuto m nile; ma ọ dịghị onye ga-ahụ otuto m nile, ma emesịa ya anọgide n’anụ arụ n’elu ụwa.

6 Ma enwere m ọrụ nye gị, Moses, nwa m nwoke; ma gị onwe gị dị ^ana-oyiyi nke ^bỌkpara m Mụrụ Nanị ya; ma Ọkpara m Mụrụ Nanị ya bụ, ga-abụ kwa ^cOnye-nzọpụta, n’ihi na o juputara ^dn’amara na ^eezi-okwu; mana ọ ^fdịghị Chineke dị ma ọbụghị m, ma ihe nile na-apụta ìhè n’irum, n’ihi na ^gamaara m ha nile.

7 Na ugbụ a lee, otu ihe nke a ka m na-egosi gị, Moses, nwa m nwoke, n’ihi na gị onwe gị nọ n’ime ụwa, ma ugbụ a ka m na egosi gị ya.

8 Na o wee ruo na Moses lere anya, ma hụ ^aụwa ahụ nke ekere ya n’elu ya, ma Moses ^bhụrụ ụwa ahụ na ebe nsọtụ ya nile, na ụmụ nile nke mmadụ ndị dị ugbụ a na ndị ekeworo eke; gbasara ndị a ka o nwere oke ^cịtụ n’anya na iju-anya.

9 Na iru nke Chineke wezugara onwe ya site n’ebe Moses nọ nke mere na ebube ya anọkwasịghị Moses; ma Moses ka a hapụrụ nye onwe ya. Ma mgbe a hapụrụ ya nye onwe ya, o wee daa n’elu ala.

10 Na o wee ruo na ọ bụ na oghere oge ọtụtụ awa tutu Moses enweta kwa ^aịdị ike nke arụ ya ọzọ dịka mmadụ, ma o wee kwuo okwu nye onwe ya sị: Ugbụ a n’ihi nke a mere ka m mara na mmadụ ^benweghị ihe ọbụ, ihe nke mụ na-echebughị.

11 Mana ugbụ a anya m nile ahụwo ^aChineke; mana ọbụghị anya m nile nke ^bụdi okike, mana ọbụ anya m nile nke mụọ, n’ihi na anya m nile nke anụ arụ agaraghị enwe ike hụ, n’ihi na agaara m ^cakpọnwụ ma ^dnwụọ n’iru ya; mana ebube ya nọkwasịrị m; ma m wee hụ ^eiru ya n’ihi na ^fe nwoghara m enwogha n’iru ya.

12 Ma o wee ruo na mgbe Moses kwuworo okwu ndị a nile, lee ^aSetan wee bịa ^bna-anwa ya ọnwụnwa, na-asị: Moses nwa nke mmadụ, kpọọrọ m isi ala.

13 Na O wee ruo na Moses lekwasịrị. Setan anya ma sị: Onye ka ị bụ? N’ihi lee abụ ^anwa ndịkom nke Chineke, n’oyiyi nke Ọkpara ahụ a Mụrụ Nanị ya; ma olee ebe ebube gị dị nke na m ga-akpọrọ gị isi ala?

14 N’ihi lee, enweghịrị m ike ilekwasị Chineke anya, ma-ọbụghị na ebube ya ga-abịakwasị m, ma e wee ^anwogharịa m n’iru ya. Mana enwere m ike ilekwasị gị anya na mmadụ nke anụ arụ. Ọ bụghị otu a, n’ezie?

15 Ngọzi na-adịrị aha nke Chineke m, n’ihi na Mụọ ya e wezugachaghị onwe ya n’arụ m, ma-ọbụghị otu a o lee ebe ebube gị dị, n’ihi na ọbụ ọchịchịrị nye m? Ma aga m ekpe ikpe n’etiti gị na Chineke; n’ihi na Chineke asịwo m: ^aKpọọrọ Chineke Isi Ala, n’ihi nanị ya ka Ị ^bga-efe.

16 Si ebe a lawa, Setan; eduhiela m; n’ihi na Chineke sịrị m: Gị onwe gị dị ^an’oyiyi nke Onye m Mụrụ Nanị ya.

17 Ma o nyewokwa m iwu nsọ nile mgbe ọ kpọrọ m oku site ^an’ọhịa osisi nta ahụ na-ere ọkụ, na-asị: ^bKpọkuo Chineke n’aha Onye m Mụrụ Nanị ya ma sekpuoro m.

18 Na ọzọ Moses wee sị: Agaghị m akwụsị ịkpọku Chineke. Enwere m ihe ndị ọzọ m ga-achọ site n’aka ya: n’ihi na ebube ya anọkwasịwo m, ya mere enwere m ike ikpe ikpe n’etiti ya na gị. Si ebe a pụọ, Setan.

19 Na ugbụ a, mgbe Moses kwuworo okwu ndị a nile, Setan jiri oke olu tie mkpu, ma na-ekwugharị n’ụzọ dị egwu n’elu ụwa, ma nye iwu, na-asị; abụ m ^aOnye ahụ Amụrụ nanị ya, sekpuoro m.

20 Ma o wee ruo na Moses malitere na-atụ egwu nke ukwuu, ma dịka ọ malitere ịtụ egwu, o wee hụ ịdị-ilu nke ^aala mụọ. Na-agbanyeghị, ^bna-ikpọku Chineke, o wee nweta ume, ma o wee nye iwu na-asị: Si ebe m nọ pụọ, Setan, n’ihi na otu Chineke nke a nanị ka m ga-esekpuru, nke bụ Chineke nke ebube.

21 Na ugbụ a, ^aSetan wee malite ima jijiji, ala wee maakwa jijiji, ma Moses nwetara ume, wee kpọkuo kwa Chineke, na-asị: N’aha nke onye ahụ a Mụrụ Nanị ya, si ebe a pụọ, Setan.

22 Na o wee ruo na Setan jiri oke olu tie mkpu, jiri ịkwa akwa, na ịkwa arịrị, ^ana-ịta ikekere-eze; na o wee si ebe ahụ pụọ, ọbụna site n’iru Moses, nke na ọ hụghị kwa ya.

23 Ma ugbụ a banyere ihe nke a, Moses agbawo ama; mana n’ihi ajọọ-omume, e nweghị ya n’etiti ụmụ mmadụ.

24 Na o wee ruo na mgbe Setan pụworo site n’iru Moses, na Moses welitere anya ya nile n’elu-igwe, na-ijupụta na ^aMụọ Nsọ, nke na-agba ama banyere Nna na Ọkpara ahụ.

25 Ma na-ịkpọku aha nke Chineke, o wee hụ ebube ya ọzọ, n’ihi na ọ nọkwasịwo ya, ma ọ nụrụ olu okwu nke na-asị: Ngọzi na-adịrị gị Moses, n’ihi mụ Onye Pụrụ Ime Ihe nile, ahọrọwo gị, ma a ga-eme ka i dị ike karịa ọtụtụ ^ammiri nile, n’ihi na ha ga-erube isi nye ^biwu gị ka a ga-asị na ị bụụrụ ^cChineke.

26 Na hụrụ, anonyeere m gị, ọbụna ruo na ọgwụgwụ nke ụbọchị gị nile; n’ihi na ị ^aga-anapụta ndị nke m site ^bn’oru, ọbụna ^cIsrael ndị m ^dhọọworo.

27 Na o wee ruo, na mgbe olu-okwu ahụ ka na-ekwu okwu, Moses wee lee anya ya gburu gburu ^ahụkwa ụwa, e, ọbuna ụwa nile, ma ọ dịghị irighiri ya nke na-ọhụghị, ghọta ha site na mụọ nke Chineke.

28 Na o wee hụkwa ndị nile na-ebi n’ime ha, ma ọdịghị mkpụrụ obi nke na-ọhụghị; ma ọ ghọtara ha site na Mụọ nke Chineke; ma ọnụ ọgụgụ ha nile dị ukwuu, ọbụna enweghị ngụta dịka aja ahụ dị na ikpere mmiri nke oke osimiri.

29 Na o wee hụ ọtụtụ ala nile; na ala nke ọbụla ka a kpọrọ ^aụwa; ma e nwere ndị nile bi n’iru ha.

30 Na o wee ruo na Moses kpọkuru Chineke na-asị: Gwa m, ana m arịọ gị, ihe mere ihe ndị a ji dị otu a, ọbụkwa site na gịnị ka iji mee ha?

31 Na lee, ebube nke Onye-nwe nọkwasịrị Moses, nke mere ka Moses guzoro n’iru nke Chineke, ma ya na ya ekwukọrịta okwu ^airu na iru. Ma Onye-nwe Chineke sịrị Moses: N’ihi ^bebum n’obi nke m ka m meworo ihe ndị a nile. Nke a bụ amamihe ma ọ na-adịgide n’ime m.

32 Na site ^an’okwu nke ike m, ka m keworo ha, nke bụ Ọkpara M Mụrụ Nanị Ya, onye nke jupụtara ^bn’amara na ^cezi-okwu.

33 Na ^aụwa nile na-enweghị ọnụ ọgụgụ ka m ^bkeworo; ma e kewokwa m ha n’ihi ebu m n’obi nke m; na site na Ọkpara ahụ ka m keworo ha, nke bụ onye ahụ m Mụrụ ^cNanị Ya.

34 Na nwoke ^ambụ ahụ n’etiti ndị nwoke nile ka m kpọworo ^bAdam, nke bụ ^cọtụtụ.

35 Mana ọbụ nanị nkọwasị banyere ụwa nke a, na ndị nile bi n’ime ya, ka m na-enye gị. N’ihi lee ha dị ọtụtụ ụwa nile ndị na-agafewo site n’okwu nke ike m. Ma ha dị ọtụtụ na-eguzo ugbụ a, na enweghị ngụta ka ha dị nye mmadụ; mana ha nile nwere ọnụ ọgụgụ nye m, n’ihi ha bụ nke m ma ^aama m ha.

36 Na o wee ruo na Moses kwuru okwu nye Onye-nwe, na-asị: Mee ebere nye nwa odibo gị, O Chineke, ma gwa m banyere ụwa nke a, ma ndị nile na-ebi n’ime ya, ma elu-igwe nile kwa, ma mgbe ahụ nwa odibo gị ga-enwe afọ ojuju.

37 Ma Onye-nwe Chineke kwuru okwu nye Moses, na-asi: ^aElu-igwe nile, ha dị ọtụtụ, ma ha agaghị ekwe ngụta nye mmadụ; mana ha nwere ọnụ ọgụgụ nye m, n’ihi ha bụ nke m.

38 Ma dịka otu ụwa na-agafe, na elu-igwe nile ya, ọbụna otu a ka ọzọ ga-abia; ma ọdịghị ^aọgwụgwụ dịịrị ọrụ m nile, ma ọbụkwanụ nye okwu m nile.

39 N’ihi lee, nke a bụ ^aọrụ m na ^bebube nke m iweta na mmezu ^canwụgh-anwụ na ndụ ^debighi-ebi nke mmadụ.

40 Ma ugbụ a, Moses, nwa m nwoke, aga m ekwu okwu nye gị banyere ụwa nke a nke gị onwe gị na-eguzo n’elu ya; ma i ^aga-ede ihe nile nke m ga-ekwu n’akwụkwọ.

41 Na n’ụbọchị mgbe ụmụ nke mmadụ ga-ewere okwu m nile n’ihe efu ma ^awezuga ọtụtụ n’ime ha site na akwụkwọ ahụ nke ị ga-ede, lee aga m ekuli onye ọzọ ^bdịka gị; ma aga-enwekwa ^cha ọzọ n’etiti ụmụ mmadụ—n’etiti ọtụtụ bụ ndị ga-ekwere.

42 (Okwu nile ndị a ka e ^akwuru nye Moses n’elu nnukwu ugwu ahụ, aha ya bụ nke na-agaghị amara n’etiti ụmụ mmadụ. Ma ugbụ a ekwuwo ha nye gị. Egosịkwala ha nye ndị ọbụla ma-ọbụghị nanị ndị ahụ bụ ndị kwere-ekwe. Ọbụna otu a Amen.)