Ljósmyndir úr sögu kirkjunnar

Efni
Formáli
Yfirlit
1. Lundurinn helgi
2. Kúmórahæðin og Palmyra-Manchester svæðið
3. Bjálkahús Josephs Smith eldra
4. Grandin prentsmiðjan
5. Susquehanna-fljótið
6. Staðsetning heimilis Peters Whitmer eldra
7. Verslun Newel K. Whitney hlutafélagsins
8. Heimili Johns Johnson
9. Kirtland musterið
10. Adam-ondi-Ahman
11. Musterislóðin í Far West
12. Liberty-fangelsið
13. Mansion House í Nauvoo
14. Rauðsteinabygging verslunar Josephs Smith yngri
15. Nauvoo musterið
16. Carthage-fangelsið
17. Brottförin vestur
18. Salt Lake musterið

Ljósmyndir úr sögu kirkjunnar

Ljósmyndir úr sögu kirkjunnar

Formáli
Þessar ljósmyndir sýna mikilvæga sögustaði kirkjunnar, þar sem hinir Síðari daga heilögu gengu um hér á árum áður, þar sem nútímaspámenn hafa lifað og kennt og þar sem margir atburðir úr ritningunum gerðust.
Yfirlit
Kortið hér fyrir neðan sýnir staðsetningar ljósmyndanna í þessum hluta. Með hverri ljósmynd á næstu blaðsíðum, fylgir stutt lýsing á staðháttum. Síðan eru markverðustu atriðin í ritningunum sem tengjast svæðinu talin upp, ásamt tilvísun í ritningargreinar, svo lesa megi sér til um atburðina.
1. Lundurinn helgi
Lundinn helga er að finna í Palmyra og Manchester sveitarfélögunum í New York. Þessi trjálundur er lítið eitt vestan við þann stað, þar sem hið litla bjálkahús Smith-fjölskyldunnar stóð 1820.
2. Kúmórahæðin og Palmyra-Manchester svæðið
Horft í norðurátt. Myndin sýnir Kúmórahæðina í Manchester, New York. Hæðin byrjar í neðra hægra horni myndarinnar og nær lítið eitt lengra en hálfa leið upp. Hvíta minnismerkið sem sést á norðurenda hæðarinnar er til heiðurs englinum Moróní og birtingu Mormónsbókar. Kúmórahæðin er um 5 kílómetrum suðaustur af Lundinum helga. Palmyraþorpið er næstum því efst á myndinni, í 6½ kílómetra fjarlægð. Smith-búgarðinn og Lundinn helga er að finna vinstra megin á efri hluta myndarinnar.
3. Bjálkahús Josephs Smith eldra
Endurbyggt bjálkahús Josephs Smith eldra, byggt á grunni upphaflega bjálkahússins nálægt Palmyra, New York. Smith-fjölskyldan byggði upphaflega 1½ hæðar húsið úr tilhöggnum bjálkum, stuttu eftir að þau komu til Palmyra. Fjölskyldan bjó hér frá 1819 til 1825.
4. Grandin prentsmiðjan
Endurreist prentsmiðja Egberts B. Grandin í Palmyra, New York, þar sem fyrsta eintak Mormónsbókar var gefið út 1830. Martin Harris veðsetti búgarð sinn og seldi hluta hans til þess að greiða kostnaðinn við prentun á 5.000 eintökum af Mormónsbók. Setning bókarinnar hófst í ágúst 1829, og fullunnin eintök voru fáanleg 26. mars 1830.
5. Susquehanna-fljótið
Þessi mynd sýnir Susquehanna-fljótið í Harmony sveitarfélaginu, Pennsylvaníu.
6. Staðsetning heimilis Peters Whitmer eldra
Þetta bjálkahús stendur fyrir upprunalegt bjálkahús Peters Whitmer eldra í Fayette, New York.
7. Verslun Newel K. Whitney hlutafélagsins
Verslun Newels K. Whitney var mikilvægur þáttur í sögu kirkjunnar í Kirtland. Joseph og Emma Smith bjuggu hér í skamman tíma. Nokkrar mikilvægar opinberanir fengust hér. Skóli spámannanna var haldinn í versluninni frá 24. janúar 1833 þar til einhvern tíma í apríl 1833.
8. Heimili Johns Johnson
Heimili Johns og Alice Johnson var í Hiram, Ohio. Þetta herbergi er á annarri hæðinni.
9. Kirtland musterið
Kirtland musterið er í Kirtland, Ohio.
10. Adam-ondi-Ahman
Horft í suðurátt yfir Adam-ondi-Ahmandalinn, kyrrlátan, fagran dal í norðvesturhluta Missouri nálægt byggðinni Gallatin.
11. Musterislóðin í Far West
Landnámið í Far West, Missouri varð samastaður 3.000 til 5.000 heilagra sem leituðu skjóls frá ofsóknunum í Jackson- og Claysýslum. Árið 1838 bauð Drottinn hinum heilögu að byggja musteri hér (sjá K&S 115:7–8). Ofsóknir múgsins komu í veg fyrir að þau gætu gert það. Hinn 31. október það ár var spámaðurinn Joseph Smith og aðrir kirkjuleiðtogar handteknir og, eftir réttarhald í Richmond, fangelsaðir í Liberty-fangelsinu. Veturinn 1838–1839 voru Síðari daga heilagir hraktir frá Far West og öðrum stöðum í Missouri og þeir komu sér fyrir í Illinois.
12. Liberty-fangelsið
Fangelsið í Liberty, Missouri um 1878. Joseph Smith og fimm öðrum bræðrum var ranglega haldið föngnum innan 1.2 metra þykkra veggja frá 1. desember 1838 til 6. apríl 1839. (Sidney Rigdon var látinn laus í lok febrúar.) Þeim var haldið á neðri hæð, eða í dýflissuhluta byggingarinnar, þeir sváfu á köldu steingólfinu, stráþöktu, við litla birtu og illa varðir fyrir vetrarkuldanum.
13. Mansion House í Nauvoo
Joseph Smith yngri og fjölskylda hans fluttu inn í Mansion House í Nauvoo í ágúst 1843. Síðar var álmu bætt við austurhlið aðalbyggingarinnar svo að alls urðu herbergin 22. Frá janúarbyrjun 1844, rak Ebenezer Robinson hótel í húsinu, og spámaðurinn hafði sex herbergjanna fyrir sig og fjölskyldu sína. Húsið varð nokkurs konar miðstöð félagslífs í Nauvoo-samfélaginu. Hér tók spámaðurinn á móti mikilsverðum gestum.
14. Rauðsteinabygging verslunar Josephs Smith yngri
Þessi endurgerð verslunar og skrifstofu Josephs Smith yngri er staðsett í Nauvoo, Illinois. Hún var ein af mikilvægustu byggingum kirkjunnar á Nauvoo tímabilinu. Ekki aðeins var hún aðalverslunin, hún varð einnig miðstöð félagslífs, efnahags, stjórnmála og trúarlegra athafna. Joseph Smith hafði skrifstofu á annari hæð hússins.
15. Nauvoo musterið
Upprunalega musterið í Nauvoo var byggt úr ljósgráum sandsteini úr nágrenninu. Byggingin var 39 metra löng og 27 metra breið. Turninn náði 48 metra hæð frá grunni. Kirkjumeðlimir færðu miklar fórnir til þess að byggja þetta fagra musteri, en verkið hófst 1841. Sumir unnu mánuðum saman við bygginguna, en aðrir fórnuðu fjármunum sínum. Jafnvel þótt musterið væri ekki fullfrágengið var það troðfullt af kirkjuþegnum sem komu til þess að fá helgiathafnir mánuðina áður en þeir flýðu í vestur. Þótt margir hinna heilögu færu frá Nauvoo snemma vors 1846 vegna hættu á ofbeldi af hendi múgsins, varð sérstakur hópur eftir til þess að fullgera bygginguna. Hinn 30. apríl 1846 vígðu öldungarnir Orson Hyde og Wilford Woodruff úr Tólfpostulasveitinni, og um það bil 20 aðrir, þetta hús Drottins. Musterið var yfirgefið í september þegar þeir sem eftir voru af kirkjuþegnum voru hraktir frá Nauvoo; flokkar múgæsingamanna saurguðu hina helgu byggingu. Innviði hennar eyddist í eldi í október 1848. Hið endurbyggða musteri (sjá á mynd) er nákvæm eftirmynd af hinu upprunalega Nauvoo musteri og var vígt af Gordon B. Hinckley forseta 27.–30. júní 2002.
16. Carthage-fangelsið
Fangelsið í Carthage, Illinois.
17. Brottförin vestur
Upphaf brottflutningsins frá Nauvoo, Illinois, var áætlaður í mars-apríl, en vegna ógnana múgsins ákvað Brigham Young forseti að brottför hinna heilögu yfir Mississippi-fljótið skyldi hefjast 4. febrúar 1846. Young forseti varð eftir til þess að veita musterisgjafir þeim hinna heilögu sem ekki fóru frá Nauvoo fyrr en um miðjan febrúar.
18. Salt Lake musterið
Horft á Salt Lake musterið frá norðaustri. Fáeinum dögum eftir að fyrstu hópar hinna Síðari daga heilögu komu í Saltvatnsdalinn rak Brigham Young forseti niður göngustaf sinn og lýsti yfir: „Hér reisum vér musteri Guðs vors.“ Skóflustungan var tekin 14. febrúar 1853. Hinn 6. apríl 1853 voru hornsteinar lagðir. Musterið var fullgert og vígt fjörutíu árum síðar, 6. apríl 1893. Í sérstökum fundarsölum musterisins koma Æðsta forsætisráðið og Tólfpostulasveitin vikulega saman til að bera saman bækur sínar og leita leiðbeininga Drottins varðandi stjórnun og uppbyggingu Guðs ríkis.