Chitsauko 14
Isaya anotaura saMesia—Kunyadziswa nokutambudzwa kwaMesia zvinoratidzwa—Anoita mweya wake mupiro wechitema nokureverera vatadzi—Enzanisai naIsaya 53. Zvingangove makore 148 Kristu asati azvarwa.
1 Hongu, kana Isaya haati here: Ndiani akabvuma zvatakataura, uye ndiani akaratidzwa ruoko rwaIshe?
2 Nokuti achakura ari pamberi pake sebukwa, uye semudzi wabuda muvhu rakaoma; uye haana chimiro kana kutsiga; uye patichamuona panenge pasina runako rungaite kuti timude.
3 Anoshorwa uye agorambwa nevanhu; murume wekusuwa, ajairana nekuchema; uye takavanza zviso zvedu kwaari; akashorwa, uye isu hatina kumukudza.
4 Chokwadi aakatakura bkuchema kwedu, nekusuwa kwedu; asi takati akanetswa, akarohwa naMwari, nokutambudzwa.
5 Asi akakuvadzirwa akutadza kwedu, akakusvuukira kuipa kwedu; akarangwa achirangwa kuti tive nerunyararo; nemavanga ekurohwa kwake btakarapwa.
6 Tose isu, asehwai, takarasika; tose tatendeukira umwe neumwe kwake; uye Ishe akatakura pamusoro pake kutadza kwedu tose.
7 Akadzvinyirirwa, uye akatambudzwa, asi aiye haana kumbozarura muromo wake; anouyiswa kundobaiwa bsehwayana, uye sehwai pamberi pevageri vayo yakanyarara saka haana kuzarura muromo wake.
8 Akabviswa mutirongo nepakutongwa; uye ndiani achataura chizvarwa chake? Nokuti akabviswa munyika yevapenyu; nenzira yekutadza kwevanhu vangu akarohwa?
9 Uye akavigwa pamwechete nevatadzi, anevapfumi pakufa kwake; nokuti hakuna bchakaipa chaakange aita, zve mumuromo make makange musina unyengedzi.
10 Asi zvaifadza Ishe kuti akuzvurwe; akamuchemedza; kana mukaita mweya wake mupiro wechitema achaona ambeu yake, achapamhidzira mazuva ake, uye kuda kwaIshe kuchabudirira muruoko rwake.
11 Achaona zvakatambudzirwa mweya wake, uye zvichamugutsa; neruzivo rwake muranda wangu wakarurama achanatsa vazhinji; nokuti aachatakura kuipa kwavo.
12 Saka tichamugovera chikamu nevane mbiri, uye achagovana nevane masimba; nokuti akadururira mweya wake mukufa; uye akaverengerwa kuvatadzi; uye akatakura zvitema zvevazhinji, uye aakareverera vatadzi.