ជំពូកទី ៧
មរមនអញ្ជើញពួកសាសន៍លេមិននៅថ្ងៃចុងក្រោយឲ្យជឿដល់ព្រះគ្រីស្ទ ទទួលដំណឹងល្អរបស់ទ្រង់ ហើយបានសង្គ្រោះ — អស់អ្នកណាដែលជឿដល់ព្រះគម្ពីរប៊ីប នោះនឹងជឿដល់ព្រះគម្ពីរមរមនដែរ។ ប្រមាណជាឆ្នាំ ៣៨៥ គ.ស.។
១ហើយឥឡូវនេះ មើលចុះ ខ្ញុំចង់និយាយខ្លះដល់កសំណល់នៃប្រជាជននេះ ដែលបានរួចជីវិត ប្រសិនបើព្រះទ្រង់អនុញ្ញាតឲ្យពាក្យរបស់ខ្ញុំបានទៅដល់ពួកគេ ដើម្បីឲ្យពួកគេដឹងនូវកិច្ចការទាំងឡាយរបស់ពួកអយ្យកោពួកគេ មែនហើយ ខ្ញុំនិយាយទៅកាន់អ្នករាល់គ្នា ដែល ជាសំណល់នៃវង្សអ៊ីស្រាអែល ហើយនេះគឺជាពាក្យដែលខ្ញុំនិយាយថា ៖
២ចូរអ្នករាល់គ្នាដឹងថា អ្នករាល់គ្នាជាកវង្សអ៊ីស្រាអែល។
៣ចូរអ្នករាល់គ្នាដឹងថា អ្នករាល់គ្នាត្រូវតែប្រែចិត្ត បើពុំនោះសោតទេ អ្នកនឹងពុំអាចបានសង្គ្រោះឡើយ។
៤ចូរអ្នករាល់គ្នាដឹងថា អ្នករាល់គ្នាត្រូវដាក់គ្រឿងសស្ត្រាវុធពិជ័យសង្គ្រាមចុះ ក៏ពុំត្រូវសប្បាយនៅក្នុងការខ្ចាយឈាម ហើយពុំត្រូវកាន់អាវុធឡើងវិញឡើយ លើកលែងតែកាលណាព្រះទ្រង់បញ្ជាដល់អ្នករាល់គ្នាប៉ុណ្ណោះ។
៥ចូរអ្នករាល់គ្នាដឹងថា អ្នករាល់គ្នាត្រូវតែកស្គាល់ពួកអយ្យកោរបស់អ្នក ហើយប្រែចិត្តពីអស់ទាំងអំពើបាប និងអំពើទុច្ចរិតរបស់អ្នក ហើយខជឿដល់ព្រះយេស៊ូវគ្រីស្ទ ថាទ្រង់ជាព្រះរាជបុត្រានៃព្រះ ហើយថាទ្រង់ត្រូវពួកសាសន៍យូដាធ្វើគត ហើយដោយព្រះចេស្ដានៃព្រះវរបិតា នោះទ្រង់មានព្រះជន្មរស់ឡើងវិញ ដោយហេតុនេះហើយ ទ្រង់មានគជ័យជម្នះលើផ្នូរ ហើយគឺនៅក្នុងទ្រង់ផង ដែលទ្រនិចនៃសេចក្ដីស្លាប់បានលេបចូល។
៦ហើយទ្រង់បាននាំមកនូវកដំណើររស់ឡើងវិញដល់មនុស្សស្លាប់ ដោយហេតុនេះ មនុស្សត្រូវបានប្រោសឲ្យមានជីវិតឡើងវិញ ដើម្បីឈរនៅចំពោះវេទិកាខជំនុំជំរះរបស់ទ្រង់។
៧ហើយទ្រង់បាននាំមកនូវកសេចក្ដីប្រោសលោះដល់ពិភពលោក ដោយហេតុនេះ អ្នកណាដែលឃើញថា ខឥតទោសនៅចំពោះទ្រង់នៅក្នុងថ្ងៃជំនុំជំរះ អ្នកនោះហើយដែលនឹងត្រូវបានអនុញ្ញាតឲ្យគរស់នៅក្នុងវត្តមាននៃព្រះនៅក្នុងនគររបស់ទ្រង់ ដើម្បីច្រៀងដោយមិនឈប់ឈរ ជាមួយនឹងឃក្រុមចម្រៀងនៅស្ថានលើ សរសើរតម្កើងដល់ព្រះវរបិតា និងព្រះរាជបុត្រា និងព្រះវិញ្ញាណបរិសុទ្ធ ដែលជាព្រះងតែមួយនៅក្នុងស្ថានភាពមួយដ៏ចសប្បាយរីករាយ ហើយគ្មានទីបំផុត។
៨ហេតុដូច្នេះហើយ ចូរអ្នករាល់គ្នាប្រែចិត្ត ហើយទទួលបុណ្យជ្រមុជទឹកដោយនូវព្រះនាមព្រះយេស៊ូវចុះ ហើយកាន់ខ្ជាប់នូវកដំណឹងល្អនៃព្រះគ្រីស្ទ ដែលនឹងបានបង្ហាញនៅចំពោះមុខអ្នក ពុំមែនតែនៅក្នុងខបញ្ជីនេះទេ តែនៅក្នុងបញ្ជីដែលនឹងឲ្យដល់ពួកសាសន៍ដទៃ គពីពួកសាសន៍យូដា ហើយបញ្ជីនោះនឹងចេញមកពីពួកសាសន៍ដទៃមកឃដល់អ្នករាល់គ្នា។
៩ត្បិតមើលចុះ បញ្ជីកនេះបានត្រូវសរសេរឡើងក្នុងគោលបំណង ដើម្បីឲ្យអ្នករាល់គ្នាខជឿដល់ការណ៍នោះ ហើយបើសិនជាអ្នករាល់គ្នាជឿដល់បញ្ជីនោះ នោះអ្នករាល់គ្នានឹងជឿដល់បញ្ជីនេះដែរ ហើយបើសិនជាអ្នកជឿដល់បញ្ជីនេះ នោះអ្នកនឹងដឹងអំពីពួកអយ្យកោរបស់អ្នក ព្រមទាំងកិច្ចការដ៏អស្ចារ្យទាំងឡាយ ដែលបានកើតឡើងដោយព្រះចេស្ដានៃព្រះនៅក្នុងចំណោមពួកគេ។
១០ហើយអ្នករាល់គ្នាក៏នឹងដឹងថា អ្នករាល់គ្នាគឺជាសំណល់មួយនៃពូជយ៉ាកុប ហេតុដូច្នេះហើយ អ្នករាល់គ្នានឹងត្រូវបានរាប់ក្នុងចំណោមប្រជាជននៅក្នុងសេចក្ដីសញ្ញាដំបូង ហើយបើសិនជាអ្នករាល់គ្នាជឿដល់ព្រះគ្រីស្ទយ៉ាងនោះមែន ហើយបានទទួលបុណ្យជ្រមុជ ដំបូងដោយទឹក ហើយបន្ទាប់មក ដោយភ្លើង និងដោយព្រះវិញ្ញាណបរិសុទ្ធ គឺធ្វើតាមកគំរូនៃព្រះអង្គសង្គ្រោះរបស់យើង តាមអ្វីដែលទ្រង់បានបញ្ជាដល់យើង នោះនឹងបានស្រួលដល់អ្នករាល់គ្នាហើយនៅក្នុងថ្ងៃជំនុំជំរះ។ អាម៉ែន៕