1 Ket ita, dagitoy dagiti balikas ni Ammon kadagiti kabsatna, a kastoy ti panangibagana: Lallaki a kakabsatko ken kakabsatko, kitaen kunak kadakayo, kasano kaadu a rason nga ad-adda nga agrag-otayo; agsipud ta mabalin kadi nga impagaruptayo idi ^anangrugitayo manipud iti daga ti Zarahemla nga ipaay kadatayo ti Dios dagiti kastoy a naindaklan a bendision?

2 Ket ita, saludsodek, ania dagiti naindaklan a bendision ti impaayna kadatayo? Maibagayo kadi?

3 Kitaen, sungbatak para kadakayo; ta ti kakabsattayo, dagiti Lamanita, addada idi iti sipnget, wen, uray pay iti kasipngetan a yuyeng, ngem kitaen, kasano ti ^akaadu kadakuada ti naiturong a makita ti datdatlag a lawag ti Dios! Ket daytoy a bendision ti naipaay kadatayo, ta naaramattayo a ^bramit dagiti ima ti Dios a mangipatungpal kadaytoy a naindaklan nga aramid.

4 Kitaen, ^arinibu kadakuada ti nagrag-o, ken naiturong iti gimong ti Dios.

5 Kitaen, ti ^atalon ket naluomen, ken nagasatkayo, agsipud ta inaramatmo ti ^bkumpay, ket naganikayo iti kabaelanyo, wen, nagmalmalemkayo a nagtrabaho; ket kitaen ti bilang dagiti ^cbinettekyo! Ket maurnongdanto iti sarusar, tapno saanda a masayang.

6 Wen, saanto ida a mapuri ti bagyo iti maudi nga aldaw; wen, wenno mapag-ut ida dagiti alipugpog; ngem inton umay ti ^abagyo aguurnongdanto a sangsangkamaysa iti lugarda, tapno saanda a serken ti bagyo; wen, wenno maitayab ida ti narurungsot nga angin iti sadino man a pangiturongan kadakuada ti kabusorda.

7 Ngem kitaen, addada kadagiti ima ti Apo ti ^apanagani, ket kukuana ida; ket ^bpagungarennanto ida iti maudi nga aldaw.

8 Madaydayaw ti nagan ti Diostayo; ^aagkantatayo iti pannakaidayawna, wen, mangtedtayo iti ^bpanagyaman iti nasantuan a naganna, agsipud ta nagaramid iti kinalinteg iti agnanayon.

9 Ta no saantayo a pimmanaw iti daga ti Zarahemla, dagitoy napateg nga ay-ayatentayo a kakabsat, a sipapateg a nangayat kadatayo, nalabit nga agkinkintayegda pay laeng iti nalaus a ^agurada kadatayo, wen, ken nalabit met a ganggannaetda pay laeng iti Dios.

10 Ket napasamak nga idi naisao ni Ammon dagitoy a balikas, binabalaw ni kabsatna nga Aaron, a kinunana: Ammon, amkek a napasindayagka iti rag-om.

11 Ngem kinuna ni Ammon kenkuana: Saannak nga ^aagpasindayag ti pigsak, wenno ti pannakaammok; ngem kitaen, ti ^brag-ok ket napno, wen, agliplippias ti pusok iti rag-o, ket idir-ik ti Diosko.

12 Wen, ammok nga awananak; no ti pigsak nakapsutak; ngarud saanko nga ^aipasindayag ti bagik, ngem agpasindayagak ti Diosko, ta babaen ti ^bpigsana maaramidko ti amin a banag; wen, kitaen, adu a naindaklan a milagro ti naipakitatayo ditoy a daga, iti dayta idaydayawtayo ti naganna iti agnanayon.

13 Kitaen, mano a ribu dagiti kabsattayo a naruk-atanna iti saem ti ^aimpierno; ket naikuyogda a ^bmangkanta iti mannubbot nga ayat, ket gapu daytoy iti bileg ti balikasna nga adda kadatayo, ngarud awan kadi ti dakkel a kalintegantayo nga agrag-o?

14 Wen, adda kalintegantayo a dayawen isuna iti agnanayon, agsipud ta isu ti Kangatuan a Dios, ket rinuk-atanna dagiti kabsattayo manipud kadagiti ^akawar ti impierno.

15 Wen, napalawlawanda iti agnanayon a kinasipnget ken pannakadadael; ngem kitaen, inturongna ida iti agnanayon a ^alawagna, wen, iti agnanayon a pannakaisalakan; ket napalawlawanda iti awan umartap iti kalabon nga ayatna; wen, ket nagbalintayo a ramit dagiti imana a mangaramid iti daytoy a naindaklan ken datdatlag nga aramid.

16 Ngarud, ^aidaydayawtayo, wen, ^bidaydayawtayo ti Apo; wen, agrag-otayo, ta napnon ti rag-otayo; wen, dayawentayo ti Diostayo iti agnanayon. Kitaen, asino ti mabalin a mangdayaw iti kasta unay iti Apo? Wen, asino ti makaibaga iti kasta unay iti naindaklan a bilegna, ken iti ^casina, ken ti naunday a panagsagabana para kadagiti annak ti tattao? Kitaen, kunak kadakayo, saanko a maibaga ti uray no sangkabassit laeng iti mariknak.

17 Asino ti nangipagarup a kasta ti kinamanangngaasi ti Dios ta inagawnatayo manipud iti nakaam-amak, napnuan basol, ken nakarugrugit a kasasaad?

18 Kitaen, napantayo uray pay nga addaan iti pungtot, nga addaan iti nakaro a pammutbuteng tapno ^adadaelen iti simbaanna.

19 O kalpasanna, apay a saannatayo inkumit iti nakaam-amak a pannakadadael, wen, apay a saanna binay-an nga agdisso kadatayo ti espada ti kinalintegna, ket dusaennatayo iti agnanayon a liday?

20 O, kararuak, nganngani a kas, agtaltalaw iti panangpanunot kadaytoy. Kitaen, saanna inaramat ti kinalintegna kadatayo, ngem iti naindaklan nga asina inturongnatayo iti dayta awan inggana a ^ataaw ti patay ken ladingit, uray pay agingga iti pannakaisalakan dagiti kararuatayo.

21 Ket ita kitaen, kakabsatko, ania a ^agagangay a tao ti makaammo kadagitoy a bambanag? Kunak kadakayo, awan ti ^bmakaammo kadagitoy a bambanag, malaksid ti agbabawi a silaladingit.

22 Wen, ti tao nga ^aagbabawi ken agaramat ti ^bpammati, ken mangpataud kadagiti nasayaat nga aramid, ken agkararag a kanayon nga awan ressatna—iti dayta ti pakaipaayan ti pannakaammo kadagiti ^cmisterio ti Dios; wen, maitedto iti kasta a mangipalgak kadagiti bambanag a saan pay naipalgak; wen, ket maitedto dayta a mangiturong iti panagbabawi kadagiti rinibu a kararua, uray pay a kas naiteden kadatayo tapno iturong kadagitoy kabsattayo iti panagbabawi.

23 Ita malagipyo kadi, kakabsatko, a kinunatayo kadagiti kabsattayo iti daga ti Zarahemla, a mapantayo iti daga ti Nephi, a mangasaba kadagiti kabsattayo, dagiti Lamanita, ket silalais a kinatawaandatayo?

24 Ta kinunada kadatayo: Ipagarupyo kadi a maiturongyo dagiti Lamanita iti pannakaammo iti kinapudno? Ipagarupyo kadi a mapapatiyo dagiti Lamanita iti kinakillo dagiti ^akaugalian dagiti ammada, iti ^bkinasukirda a tao; a maayatan ti puspusoda iti panagsayasay ti dara; a nangbubos kadagiti aldawda iti kadagsenan a kinadangkes; a dagiti wagasda wagas dagiti managlabsing manipud idi punganay? Ita kakabsatko, malagipyo a daytoy ti pagsasaoda.

25 Ken kanayonanna kinunada: Agarmastayo maibusor kadakuada, ta dadaelentayo ida ken ti kinadangkesda iti daga, amangan la ketdi ta parmekendatayo ket dadaelendatyo.

26 Ngem kitaen, ay-ayatek a kakabsatko, immaytayo iti langalang nga awan ti gagemtayo a mangdadael kadagiti kabsattayo, ngem addaan iti gagem a nalabit a maisalakantayo ti sumagmamano kadagiti kararuada.

27 Ita idi malmaldaangan ti puspusotayo, ket agsublitayo koman, kitaen, ^aliniwliwanatayo ti Apo, ket kinunana: Mapankayo kadagiti kabsatyo, dagiti Lamanita, ibturanyo nga addaan iti ^bkinaanus ti ^crigrigatyo, ket itedkonto kadakayo ti balligi.

28 Ket ita kitaen, nakadanontayon, ket nakapagsursortayo kadakuada; ket naanusantayo dagiti panagsagabatayo, ket nagsagabatayo ti tunggal kinaawan; wen, nakapagsursortayo a namalaybalay, a nagtalek iti kaasi ti lubong—saan laeng nga iti kaasi ti lubong ngem iti kaasi ti Dios.

29 Ket nakastrektayo kadagiti balayda ket insurotayo ida, ken insurotayo ida iti kalkalsadada; wen, ken insurotayo ida iti turturodda; ken kasta met a simrektayo kadagiti temploda ken kadagiti sinagogada ket insurotayo ida; ket napatalawtayo, ken nalalais, ken natupraan, ken natungpa; ken nabatotayo, ken natiliw ket napungo iti nalagda a tali, ken naipurruak iti pagbaludan; ket babaen ti bileg ken pagsiriban ti Dios nawayawayaantayo manen.

30 Ket sinagabatayo ti amin a kita ti panagrigat, ket amin daytoy, ta nalabit a datayo ti pamusposan iti panakaisalakan ti sumagmamano a kararua; ket ipagaruptayo a naan-anay ti ^arag-otayo no nalabit a datayo ti pamusposan iti panakaisalakan ti sumagmamano.

31 Ita kitaen, mabalintayo ti kumita ket makitatayo ti bungbunga dagiti aramidtayo; ket bassit kadi ida? Kunak kadakayo, Saan, ket ^aaduda; wen, ken masaksiantayo ti kinapasnekda, gapu iti ayatda kadagiti kabsatda ken kasta met kadatayo.

32 Ta kitaen, kaykayatda pay nga ^aibuis ti biagda ngem iti mangkettel iti biag ti kabusorda; ket ^binkalida iti nauneg iti daga dagiti armasda a pakigubat, gapu iti panagayatda kadagiti kabsatda.

33 Ket ita kitaen kunak kadakayo, adda kadi pay nabilbileg nga ayat iti intero a daga? Kitaen, kunak kadakayo, Awan, awan ti kasta, uray pay kadagiti Nephita.

34 Ta kitaen, agarmasda maibusor kadagiti kabsatda; saanda ipalubos a mapapatay ti bagbagida. Ngem kitaen mano kadagitoy ti nangidiaya iti biagda; ken ammotayo a napandan iti Diosda, gapu iti ayatda ken iti gurada iti basol.

35 Ita awan kadi ti kalintegantayo nga agrag-o? Wen, kunak kadakayo, awanen ti tattao nga ad-adda nga addaan iti kalintegan nga agrag-o ngem datayo, manipud idi punganay ti lubong; wen, ket malapunos ti rag-ok, uray pay iti panagpasindayagko iti Diosko; agsipud ta adda kenkuana amin a ^abileg, amin a nainsiriban; ken amin a pannakaawat; ^bmatukodna amin a banag, ket ^cmanangngaasi a Tao, uray pay iti pannakaisalakan, kadagiti agbabawi ken mamati iti naganna.

36 Ita no panagpasindayag daytoy, agpasindayagak latta; agsipud ta daytoy ti biagko ken silawko, ti rag-sak ken ti pakaisalakanak, ken ti pakasubbotak manipud iti awan inggana a kinaay-ay-ay. Wen, madaydayaw ti nagan ti Diosko, a nalaglagipna dagiti taona, a ^asanga ti kayo ti Israel, ken napukaw manipud iti bagina iti saan a pamiliar a daga; wen, kunak, madaydayaw koma ti nagan ti Diosko, a nalaglagipnatayo, a ^bmanagallaalla iti saan a pamiliar a daga.

37 Ita kakabsatko, makitatayo a malaglagip ti Dios ti tunggal ^atao, uray sadino a daga ti ayanda; wen, bilangenna dagiti taona, ket agsaknap ti asina iti intero a daga. Ita daytoy ti rag-sakko, ken naindaklan a panagyamanko; wen, ket mangtedak iti panagyaman iti Diosko iti agnanayon. Amen.