1 Pejapysaka, O gentil-kuéra, ha pehendu Jesucristo ñeʼẽ, Tupã oikovéva Raʼy, haʼe heʼivaʼekue añeʼẽ hag̃ua pende rehe, ha, péina ápe haʼe heʼi chéve ahai hag̃ua, heʼívo:

2 Pejere, opa peẽ gentil-kuéra, pende rape ñañágui; ha peñearrepenti pene rembiapovaikuéragui, pende japu ha añeteguaʼỹgui, pene rembiapokyʼa, ha pene rembiapokyʼa ñeminguéragui, ha pene taʼangajehayhu, ha pende jejukakuéra, ha pende sacerdote-kuéra mbaʼevaiñemi, ha pende potapy, ha pende joavykuéra, ha opa pene rembiapoñaña ha rembiapokyʼakuéragui, ha peju cherendápe, ha peñemongarai che rérape, oñemeʼẽ hag̃ua peẽme pene angaipa jora, ha penerenyhẽ hag̃ua Espíritu Santo-gui, pejeipapa hag̃ua che tavayguakuéra ndive haʼéva hikuái Israel rogagua.