1 Ha péina ápe, oúta ára hendytaha tatakuáicha; ha opa oñembotuicháva, heẽ, opa hekoñañáva, haʼéta ñana pirúicha; ha upe ára oúva ohapypáta chupekuéra, heʼi pe Señor de los Ejércitos, ha ndohejamoʼãi chupekuéra hapo ni hakã.

2 Ha katu peẽ pekyhyjévape che réragui, oúta pe Tekojoja Raʼy ñemonguera ipepópe reheve; ha pesẽta ha peñemongakuaáta vakaraʼy hendapeguáicha.

3 Ha pepyrũmbáta iñañávare; haʼétagui hikuái tanimbúicha pende pyguýpe ára che ajapo vove koʼãva, heʼi pe Señor de los Ejércitos.

4 Penemanduʼa Moisés léire, che rembiguái, ameʼẽvaʼekue Horeb-pe opa Israel-pe g̃uarã, léi ha huisiokuéra reheve.

5 Péina ápe, che amboúta peẽme upe proféta Elías-pe ou mboyve Ñandejára ára tuicha ha oporomondyietéva;

6 Ha haʼe oguerujeýta tuvakuéra korasõ taʼyrakuérape, ha taʼyrakuéra korasõ ituvakuérape, ani che aju ha aipyʼajopy yvy peteĩ ñeʼẽngái reheve.