1 Kwaye ngoku qaphelani, nditsho kuni ukuthi xa sukuba iNkosi ibona kufanelekile ukuba, ngobulumko bayo, ukuba ezi ntetha ziya ^akufika kubo abeeNtlanga ngokwamazwi ayo, ke ninokwazi okokuba ^bumnqophiso awathi uBawo wawenza kunye nabantwana bakaSirayeli, malunga nokubuyiselwa kwabo kumazwe elifa labo, sele uqalisile ukuzalisekiswa.

2 Kwaye nibe nokwazi okokuba amazwi eNkosi lawo athethiweyo ngabaprofeti abangcwele, aya kuzalisekiswa onke; kwaye maningathi iNkosi iya ^akulibazisa ukuza kwayo kubantwana bakaSirayeli.

3 Kwaye maningacingi ezintliziyweni zenu ukuba amazwi abethethiwe alilize, kuba qaphelani, iNkosi iya kuwukhumbula umnqophiso wayo ewenzileyo kubo abantu bayo bendlu kaSirayeli.

4 Kwaye nakuba niya kuzibona ezi zinto zisiza ngaphambili phakathi kwenu, ke maningabe niphinde nizicekise izenzo zeNkosi, kuba ^aikrele ^blobulungisa bayo lisesandleni sayo sokunene; kwaye qaphelani, ngaloo mhla, ukuba niya kuzicekisa izenzo zayo iya kubangela okokuba kwakamsinyane linifikele.

5 ^aYeha kuye lowo ^bucekisa izenzo zeNkosi; ewe, yeha kuye lowo uya ^ckumkhanyela uKrestu nemisebenzi yakhe!

6 Ewe, ^ayeha kuye lowo uya kuzikhanyela izityhilelo zeNkosi, kwaye noya kuthi iNkosi ayisasebenzi ngezityhilelo, okanye isiprofetho, okanye ^bngezipho, okanye ngeelwimi, okanye ngokuphilisa, okanye ngamandla oMoya oyiNgcwele!

7 Ewe, kwaye yeha kuye lowo uya kuthi ngaloo mhla, ukuze afumane ^ainzuzo, athi ^bakunakubakho mmangaliso wenziwayo nguYesu Krestu; kuba lowo ukwenzayo oku uya kuba ^cnjengonyana wesihogo, lowo kwakungekho nceba ngaye, ngokwelizwi likaKrestu!

8 Ewe, kwaye maningaphindi ^anifuthe, ^bnakucekisa, nakwenza ntlekisa ^cngamaYuda, nawuphina kwabayintsalela yendlu kaSirayeli; kuba qaphelani, iNkosi iyawukhumbula umnqophiso wayo kuyo, kwaye iya kwenza kuwo ngokwaloo nto ithe yayifungela.

9 Ke ngoko maningacingi okokuba ninako ukusijikela isandla sasekunene seNkosi ekhohlo, ukuze angabi nakuwenza umgwebo ekuzalisekisweni komnqophiso eyathi yawenza kuyo indlu kaSirayeli.