Mwakoro 29
Rokon Ana Boki Moomon bon te kanikina bwa te Uea e a waaki n ikotiia Iteraera ma ni kakoroa bukin Ana berita aika a tabu—Naake a totokoi na kaotioti ni boong aika kaitira ao ana bwai n tituaraoi a na reke kaia. Uakaan ma 34–35 N.K.
1 Ao ngkai nooria, I taku nakoimi bwa n te tai are e noora riaina iai te Uea, n oin wanawanana, bwa a na aroko taeka aikai nakoia Tientaire n aron ana taeka, ao ngkanne kam kona n ataia bwa te bberita ae tabu are e karaoia te Tama ma tibun Iteraera ibukin kaokakia nakon abaia ni bwaibwai, bon iaon kawaina ni kakoroaki bukina.
2 Ao kam kona n ataia bwa ana taeka te Uea, ake a tia n taekinaki irouia burabeti aika a tabu, a na bane ni kakoroaki bukiia; ao kam aki riai n taku bwa te Uea e akawaeremwea rokona nakoia tibun Iteraera.
3 Ao kam aki riai n iangoia inanomi bwa taeka ake a tia n taekinaki akea manenaia, bwa nooria, e na bon uringa ana berita ae tabu te Uea are e a tia ni karaoia ma ana botanaomata aika kaain te bata are Iteraera.
4 Ao ngkana kam noori taeka aikai ni kaoti i buakomi, ao ngkanne kam aki riai n ribai ana waaki te Uea: bwa e mena ana akabaang ni bmomotiraoi te Uea n angataina; ao nooria, n te bong arei, ngkana kam ribai ana waaki, e na bon karekea te anga are e na konako iai.
5 Te amaraia nakon are bribai ana mwakuri te Uea; eng, te maraia nakon are e na ckakewea Kristo ma ana mwakuri!
6 Eng, te amaraia nakon are e na kakewei ana kaotioti te Uea, ao ane e na taku bwa e aki mwakuri te Uea man te kaotioti, ke n te taeka ni burabeti, ke ni bbwaintituaraoi, ke n neewe, ke n te katoki aoraki, ke ni mwaakan te Tamnei ae Raoiroi!
7 Eng, ao te maraia nakon ane e na taku n te bong arei, ibukin akarekean arona bwa bakea te kakai ae e kona ni karaoia Iesu Kristo; bwa ane e karaoa aio ao e na riki n aron cnatin te Betetion, are akea te nanoanga ibukina, n aron ana taeka Kristo!
8 Eng, ao kam aki riai ni manga akatiitii, ke n bribaia, ma ni bwainataeia cIutaia, ke nikiraia kaain te bata are Iteraera; bwa nooria, e na uringa ana berita ae tabu te Uea ma ngaia, ao e na karaoia nakoia te bwai are e a tia n tuea iai.
9 Ngaia are kam na aki taku bwa kam kona ni katannakoa angaatain te Uea nako angamaingina, bwa e aonga n aki karaoa te motikitaeka ni kakoroi bukin berita ake a tabu are e a tia ni karaoia ma te bata are Iteraera.