1 Ao ngkai, nooria, I taku nakoimi, bwa kam riai n ^aukoukori bwaai aikai. Eng, I anganingkami te tua bwa kam na botumwaaka n ukoukori bwaai aikai; bwa a korakora bonganan ana taeka ^bItaia.

2 Bwa e bon koaua ae e taetae iaon bwaai ni kabane ake a kaineti ma au botanaomata ake kaain te bata are Iteraera; ngaia are e bon riai bwa e na taetae naba nakoia Tientaire.

3 Ao bwaai ni kabane ake e taekin a bon riki ao a ^ana bon riki, n aiaron taeka ake e taekin.

4 Ngaia are ongo n au taeka; karaoi bwaai ake I tuangkami; ao a na bon waaki nako n ana tai ao nanon te Tama nakoia Tientaire.

5 Ao ane e ongo n au taeka man rairananona ao e bwabetitoaki, e na bon kamaiuaki. Ukoukoria ^aburabeti, bwa a mwaiti ake a kakoauai bwaai aikai.

6 Ao ngkai e a koro bukina bwa ngke e a tia Iesu n taekin taeka aikai e taku riki nakoia, ngke e a tia ni kabwaranakoi koroboki aika tabu ni kabane nakoia ake e a tia ni karekei, e taku nakoia: Nooria, iai riki koroboki aika tabu ae I tangiringkami bwa kam na koroi, ae kam tuai ni koroi.

7 Ao e a koro bukina bwa e taku nakon Nibwaai; Uoti mai taian rongorongo ake ko a tia ni kaawakin.

8 Ao ngke e a tia Nibwaai n uoti taian rongorongo, ma ni kawenei imatana, e katokai matana i aoia man taku:

9 E koaua ae I tuangkami, I tuanga au toro ^aTamuera te Reimwanaite bwa e na kakoaua nakoia te botanaomata aio, bwa n te bong arei ao te Tama e na kamimitonga arana irou bwa a ^bmwaiti ^caomata aika itiaki ake a na ^dteirake man te mate, ao a na kaoti nakoia aika a mwaiti, man ibuobuoki nakoia. Ao e taku nakoia: Tiaki bwa e riki aio?

10 Ao ana reirei a kaeka man taku: Eng, te Uea, Tamuera e bon taetae ni burabeti n aron am taeka, ao a bon bane ni koro bukiia.

11 Ao e taku Iesu nakoia: E kanga n ae kam aki korea te bwai aio, are a mwaiti aomata aika itiaki ake a teirake ma ni kaoti nakoia aika a mwaiti man ibuobuoki nakoia?

12 Ao e a koro bukina bwa Nibwaai e uringnga bwa e bon tuai ma ni koreaki taekana.

13 Ao e a koro bukina bwa Iesu e tua bwa e na riai ni koreaki; ngaia are e a bon koreaki taekana n aron are e tua.

14 Ao ngkai e a koro bukina bwa ngke e a tia Iesu ni ^akabwaranakoi koroboki aika tabu ni kabane n ti teuana, are a tia ni koroi, e tuangiia bwa a na reirei bwaai ake e a tia ni kabwaranakoi nakoia.